ന്യൂദല്‍ഹി: വിദ്വേഷ പ്രസംഗം നടത്തുന്നവരെ പാര്‍ട്ടിയില്‍ നിന്ന് പുറത്താക്കുമെന്ന് ദല്‍ഹി ബി.ജെ.പി അധ്യക്ഷന്‍ മനോജ് തിവാരി. ഇന്ത്യന്‍ എക്‌സ്പ്രസിന് അനുവദിച്ച അഭിമുഖത്തിലായിരുന്നു അദ്ദേഹത്തിന്റെ പരാമര്‍ശം.
ദല്‍ഹി നിയമസഭാ തെരഞ്ഞെടുപ്പ് പ്രചരണത്തിനിടെ ബി.ജെ.പി എം.പി പര്‍വേശ് വെര്‍മ്മ അരവിന്ദ് കെജ്‌രിവാൡനെ തീവ്രവാദിയെന്ന് വിളിച്ചതില്‍ അപലപിക്കുന്നെന്നും അദ്ദേഹം ചോദ്യത്തിന് മറുപടിയായി പറഞ്ഞു.
വിദ്വേഷ പ്രസംഗം നടത്തുന്നവരെ സ്ഥിരമായി പാര്‍ട്ടിയില്‍ നിന്ന് പുറത്താക്കും. അത്തരത്തില്‍ പ്രസംഗിക്കുന്നവരെ തെരഞ്ഞെടുപ്പില്‍ മത്സരിക്കുന്നത് വിലക്കുന്നതിനുള്ള നിയമം കൊണ്ടുവരണമെന്നും അദ്ദേഹം കൂട്ടിച്ചേര്‍ത്തു.
