ഈ വര്‍ഷത്തെ വയലാര്‍ അവാര്‍ഡ് ശ്രീകുമാരന്‍ തമ്പിക്ക്
എന്റര്‍ടെയിന്‍മെന്റ് ഡെസ്‌ക്
Sunday, 8th October 2023, 12:56 pm
ഈ വര്‍ഷത്തെ വയലാര്‍ അവാര്‍ഡ് ശ്രീകുമാരന്‍ തമ്പിക്ക്. ജീവിതം ഒരു പെന്‍ഡുലം ആത്മകഥക്കാണ് പുരസ്‌കാരം ലഭിച്ചത്. വയലാര്‍ ട്രസ്റ്റ് പ്രസിഡന്റ് പെരുമ്പടവം ശ്രീധരനാണ് 47ാമത് വയലാര്‍ രാമവര്‍മ പുരസ്‌കാരം പ്രഖ്യാപിച്ചത്.
തീക്ഷ്ണമായ തീച്ചൂളയിലൂടെ ഉയര്‍ന്ന് വന്ന ഒരു വ്യക്തി വളരെ താഴെക്കിടയില്‍ നിന്നും സ്വന്തം പരിശ്രമം കൊണ്ട് തന്നെ മലയാള സിനിമ ഗാന രംഗത്ത് വലിയ രീതിയില്‍ നിറഞ്ഞുനിന്നു എന്നാണ് ജൂറി പറഞ്ഞത്. തുടക്കം മുതലുള്ള ജീവിത കഥ കൃത്യമായി പറഞ്ഞുവെച്ചുകൊണ്ടാണ് 103 അധ്യായങ്ങളുള്ള പുസ്തകം രചിച്ചിരിക്കുന്നത്. ഇത്ര വലിയ ആത്മകഥ അപൂര്‍വമാണെന്നും രാജ്യത്ത് തന്നെ ഇത്തരത്തിലുള്ള ആത്മകഥ വളരെ കുറവാണെന്നും ജൂറി പറഞ്ഞു.
