ഇത്തവണ ലയണല്‍ മെസിയും എര്‍ലിങ് ഹാലണ്ടും ബാലണ്‍ ഡി ഓര്‍ അര്‍ഹിക്കുന്നുണ്ടെന്ന് മാഞ്ചസ്റ്റര്‍ സിറ്റി പരിശീലകന്‍ പെപ് ഗ്വാര്‍ഡിയോള. ഇരുവര്‍ക്കും അവാര്‍ഡ് നല്‍കുന്ന കാര്യം ഫ്രാന്‍സ് ഫുട്‌ബോള്‍ പരിഗണിക്കണമെന്നും അദ്ദേഹം പറഞ്ഞു.
കഴിഞ്ഞ ദിവസം മാഞ്ചസ്റ്റര്‍ യുണൈറ്റഡിനെതിരെ നടന്ന മത്സരത്തിന് പിന്നാലെ മാധ്യമങ്ങളോട് സംസാരിക്കുമ്പോഴാണ് ഗ്വാര്‍ഡിയോള ഇക്കാര്യം പങ്കുവെച്ചത്. മത്സരത്തില്‍ മാഞ്ചസ്റ്റര്‍ സിറ്റി എതിരില്ലാത്ത മൂന്ന് ഗോളുകള്‍ക്ക് വിജയിച്ചിരുന്നു. സിറ്റിക്കായി ഹാലണ്ട് ഇരട്ട ഗോളുകള്‍ നേടി മത്സരത്തില്‍ തിളങ്ങിയിരുന്നു.
‘മെസിയോടും ഹാലണ്ടിനോടും എനിക്ക് വലിയ സ്‌നേഹമാണ്. മെസിയാണ് ബാലണ്‍ ഡി ഓറിന് അര്‍ഹനാകുന്നതെങ്കില്‍ ലോകകപ്പില്‍ മികച്ച പ്രകടനം കാഴ്ചവെച്ചുവെന്ന നിലയില്‍ അത് അര്‍ഹിക്കുന്ന അംഗീകാരമായിരിക്കും. ഇനി ഹാലണ്ടാണ് പുരസ്‌കാര ജേതാവാകുന്നതെങ്കില്‍ അത് കഴിഞ്ഞ സീസണിലെ തകര്‍പ്പന്‍ പ്രകടനത്തിന് അവന് കിട്ടുന്ന അംഗീകാരമാകും.
ഈ വര്‍ഷം അവര്‍ രണ്ട് അവാര്‍ഡുകള്‍ നല്‍കണമെന്നാണ് എനിക്ക് പറയാനുള്ളത്. മെസിയും ഹാലണ്ടും ഒരുപോലെ ബാലണ്‍ ഡി ഓറിന് അര്‍ഹരാണ്,’ ഗ്വാര്‍ഡിയോള പറഞ്ഞു.
✨ Pep Guardiola on Ballon d’Or: “I’ve great affection for Messi and Haaland”.
“If Messi wins, it will be fair win because of the World Cup. If Haaland wins, it will be fair to the season he had”.
“They should give two awards this year! They both deserve to win”, told SC. pic.twitter.com/rvGnSvCujR
— Fabrizio Romano (@FabrizioRomano) October 29, 2023
