'ഈ ചിത്രം പങ്കുവെയ്ക്കാതിരിക്കാനാവില്ല'; അറുപതാം പിറന്നാളാഘോഷത്തിന്റെ ചിത്രം പങ്കുവെച്ച് സുഹാസിനി, ആശംസകളുമായി താരങ്ങള്‍
എന്റര്‍ടെയിന്‍മെന്റ് ഡെസ്‌ക്
Tuesday, 17th August 2021, 5:26 pm
ചെന്നൈ: സൗത്ത് ഇന്ത്യന്‍ സിനിമാ സ്‌നേഹികളുടെ ഇഷ്ട താരങ്ങളില്‍ ഒരാളാണ് സുഹാസിനി. നടിയായും സംവിധായികയായും എഴുത്തുകാരിയായും ഡബ്ബിംഗ് ആര്‍ട്ടിസ്റ്റായുമെല്ലാം ഏറ്റവും മികച്ച പ്രകടനമാണ് താരം കാഴ്ചവെച്ചിരിക്കുന്നത്.
കഴിഞ്ഞ ദിവസമായിരുന്നു സുഹാസിനിയുടെ 60ാം ജന്മദിനം. നിരവധി പേരാണ് താരത്തിന് ആശംസകളുമായി എത്തിയത്. ഇപ്പോഴിതാ തന്റെ 60ാം ജന്മദിനാഘോഷങ്ങളുടെ ചിത്രം പങ്കുവെച്ചിരിക്കുകയാണ് താരം.
തന്റെ അച്ഛനായ ചാരുഹാസനൊപ്പമുള്ള ചിത്രമാണ് സുഹാസിനി പങ്കുവെച്ചത്. ഈ വൈകാരിക ചിത്രം പങ്കുവെയ്ക്കാതിരിക്കാനാവില്ലെന്ന ടാഗ് ലൈനോടെയാണ് സുഹാസിനി ചിത്രങ്ങള്‍ ഇന്‍സ്റ്റഗ്രാമില്‍ പങ്കുവെച്ചത്.
