അമ്മ ജോലിയെടുക്കട്ടെ, ദുവ ദേവ് നല്ല ഉറക്കത്തിലാണ്; ആര്യ രാജേന്ദ്രന്റെ വൈറല്‍ ചിത്രം
ഡൂള്‍ന്യൂസ് ഡെസ്‌ക്
Saturday, 16th September 2023, 9:51 pm
തിരുവനന്തപുരം: കൈക്കുഞ്ഞുമായി ജോലിയില്‍ ഏര്‍പ്പെടുന്ന തിരുവനന്തപുരം മേയര്‍ ആര്യ രാജേന്ദ്രന്റെ ചിത്രം വൈറല്‍. കോര്‍പറേഷനില്‍ മേയറുടെ ചെയറിലിരുന്ന് ഒരു മാസത്തോളം മാത്രം പ്രായമുള്ള കുഞ്ഞിനെ ഇടത് കയ്യിലെടുത്ത് ഫയല്‍ നോക്കുന്ന ആര്യ രാജേന്ദ്രന്റെ ചിത്രമാണ് സോഷ്യല്‍ മീഡിയ ഏറ്റെടുത്തിരിക്കുന്നത്.
ആര്യ രാജേന്ദ്രനും ബാലുശ്ശേരി എം.എല്‍.എ സച്ചിന്‍ ദേവിനും ഓഗസ്റ്റ് പത്തിനാണ് കുഞ്ഞ് ജനിച്ചത്. തിരുവനന്തപുരത്തെ എസ്.എ.ടി ആശുപത്രിയിലായിരുന്നു പ്രസവം. ദുവ ദേവ് എന്നാണ് കുഞ്ഞിന് പേരിട്ടിക്കുന്നത്.
