ജാര്‍ഖണ്ഡില്‍ മൂന്നാംഘട്ട പോളിങ് തുടങ്ങി; ശ്രദ്ധാകേന്ദ്രമായി ത്രികോണമത്സരം നടക്കുന്ന ധന്‍വാര്‍
ഡൂള്‍ന്യൂസ് ഡെസ്‌ക്
Thursday, 12th December 2019, 8:12 am
റാഞ്ചി: ജാര്‍ഖണ്ഡില്‍ മൂന്നാംഘട്ട വോട്ടെടുപ്പ് തുടങ്ങി. 17 മണ്ഡലങ്ങളിലേക്കാണു വോട്ടെടുപ്പ്. 32 സ്ത്രീകള്‍ ഉള്‍പ്പെടെ 309 സ്ഥാനാര്‍ഥികളാണു മൂന്നാംഘട്ടത്തില്‍ മത്സരിക്കുന്നത്.
17 സീറ്റുകളില്‍ 10 എണ്ണം ബി.ജെ.പിയുടെ സിറ്റിങ് സീറ്റുകളാണ്. മൂന്നെണ്ണം കോണ്‍ഗ്രസിന്റെയും രണ്ടെണ്ണം ജെ.എം.എമ്മിന്റെയും സിറ്റിങ് സീറ്റുകളാണ്.
മൂന്നാംഘട്ട തെരഞ്ഞെടുപ്പിനു മുന്നോടിയായി പ്രധാനമന്ത്രി നരേന്ദ്ര മോദിയും കോണ്‍ഗ്രസ് നേതാവ് രാഹുല്‍ ഗാന്ധിയും രണ്ടുവീതം റാലികളിലാണു പങ്കെടുത്തത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
പോളിങ് നടക്കുന്ന റാഞ്ചി സീറ്റ് ബി.ജെ.പിയുടെ ശക്തികേന്ദ്രമാണ്. 1995-ല്‍ മുതിര്‍ന്ന നേതാവ് യശ്വന്ത് സിന്‍ഹയാണ് ഇവിടെനിന്നു വിജയിച്ചത്. എന്നാല്‍ ലോക്‌സഭയിലേക്കു തെരഞ്ഞെടുക്കപ്പെട്ടതോടെ 1996-ല്‍ അദ്ദേഹം നിയമസഭയില്‍ നിന്നു രാജിവെച്ചു.
