കോഴിക്കോട്: ഒമ്പത് വര്‍ഷം മുന്‍പ് മോഷ്ടിച്ച ഏഴ് പവന്റെ മാല തിരികെ ഏല്‍പ്പിച്ച് മോഷ്ടാവ്.
തുറയൂര്‍ ഗ്രാമപഞ്ചായത്തിലെ ഇരിങ്ങത്ത് ടൗണിന് സമീപം താമസിക്കുന്ന സ്ത്രീക്കാണ് മോഷണം പോയ സ്വര്‍ണം തിരികെ ലഭിച്ചത്.
ഏഴേകാല്‍ പവന്റെ മാലയണ് അന്ന് മോഷ്ടാവ് കൊണ്ടുപോയതെങ്കിലും ഏഴ് പവന്റെ മാലയാണ് തിരിച്ചു നല്‍കിയത്.
മോഷ്ടിച്ച സ്വര്‍ണവും കൂടെയൊരു കുറിപ്പും കിടപ്പ് മുറിയുടെ ജനലില്‍ വെച്ച നിലയിലായിരുന്നു.
നഷ്ടപ്പെട്ട അതേ മോഡല്‍ മാലയാണ് തിരികെ വെച്ചത്. കുറച്ച് വര്‍ഷങ്ങള്‍ക്ക് മുമ്പ് താന്‍ അറിയാതെ എടുത്തുപോയതാണെന്നും അതിന് പകരമായി ഇത് സ്വീകരിച്ച് പൊരുത്തപ്പെട്ടുതരണമെന്നുമാണ് കുറിപ്പിലെ വാചകം.
2012 ലാണ് മാല മോഷണം പോയത്. എന്നാല്‍ മാല മോഷണം പോയതാണോ നഷ്ടപ്പെട്ടതാണോ എന്ന് ഇവര്‍ക്ക് ഉറപ്പില്ലായിരുന്നു. പൊലീസില്‍ പരാതി നല്‍കിയിരുന്നില്ല.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlights: Thief returns necklace stolen 9 years ago