'തോറ്റവരെ ട്രോളി സമയം കളയാതെ, നിങ്ങളുടെ ജോലി ചെയ്യാന്‍ നോക്ക്'; പ്രതികരിച്ച് തിയാഗോ സില്‍വ
സ്പോര്‍ട്സ് ഡെസ്‌ക്
Thursday, 16th February 2023, 1:33 pm
കഴിഞ്ഞ യുവേഫ ചാമ്പ്യന്‍സ് ലീഗില്‍ നടന്ന മത്സരത്തില്‍ ചെല്‍സിയെ ബൊറൂസിയ ഡോര്‍ട്മുണ്ട് തോല്‍പ്പിച്ചിരുന്നു. ഏകപക്ഷീയമായ ഒരു ഗോളിനായിരുന്നു ബൊറൂസിയയുടെ ജയം.
മത്സരത്തിന് ശേഷം ചെല്‍സിയുടെ യുവതാരം എന്‍സോ ഫെര്‍ണാണ്ടസിനെ വിമര്‍ശിച്ചുകൊണ്ടുള്ള റിപ്പോര്‍ട്ട് ടി.എന്‍.ടി സ്‌പോര്‍ട് പുറത്തുവിട്ടിരുന്നു. വിഷയത്തില്‍ പ്രതികരിച്ചെത്തിയിരിക്കുകയാണ് ഇപ്പോള്‍ ചെല്‍സി സൂപ്പര്‍താരം തിയാഗോ സില്‍വ.
ഇത്തരത്തിലുള്ള പ്രവര്‍ത്തികള്‍ നിര്‍ത്തി നിങ്ങള്‍ക്ക് ഗൗരവമായി ജോലി ചെയ്തൂടെ എന്നാണ് ടി.എന്‍.ടി സ്‌പോര്‍ട്‌സിനെ മെന്‍ഷന്‍ ചെയ്ത് കൊണ്ട് സില്‍വ ട്വീറ്റ് ചെയ്തത്. മത്സരത്തില്‍ തോറ്റതിന് പിന്നാലെ ട്രോളിയവര്‍ക്ക് തന്റെ ട്വീറ്റിലൂടെ ശക്തമായ മറുപടി നല്‍കുകയായിരുന്നു സില്‍വ.
