'നിരപരാധിയെ പ്രതിയാക്കി ജയിലിലിട്ട് പീഡിപ്പിച്ചു';യഥാര്‍ത്ഥ പ്രതി ആറ് വര്‍ഷത്തിന് ശേഷം കസ്റ്റഡിയില്‍
ഡൂള്‍ന്യൂസ് ഡെസ്‌ക്
Monday, 21st December 2020, 8:28 am
കൊല്ലം: 2014ല്‍ കൊല്ലം അഞ്ചലിലെ മെഡിക്കല്‍ സ്റ്റോറില്‍ നടന്ന മോഷണത്തിലാണ് നിരപരാധിയായ അഗസ്ത്യക്കോട് സ്വദേശി രതീഷിനെ പൊലീസ് അറസ്റ്റു ചെയ്തത്.
മോഷണക്കേസിലെ യഥാര്‍ത്ഥ പ്രതി ആറു വര്‍ഷത്തിന് ശേഷം പിടിയില്‍. ഇതോടെ 2014ല്‍ നടന്ന മോഷണത്തില്‍ നിരപരാധിയെ പൊലീസ് അറസ്റ്റ് ചെയ്ത് പീഡിപ്പിച്ച സംഭവം പുറത്തായി
ജയിലില്‍ വെച്ച് പൊലീസ് തന്നെ പീഡിപ്പിച്ചിരുന്നുവെന്ന് മോചിതനായശേഷം രതീഷ് പറഞ്ഞു. കഴിഞ്ഞയാഴ്ചയാണ് യഥാര്‍ത്ഥ പ്രതി തിരുവനന്തപുരം കാരക്കോണം സ്വദേശി ദാസനെ പൊലീസ് അറസ്റ്റ് ചെയ്തത്. ഇയാളുടെ വിരലടയാളം പരിശോധിച്ചപ്പോഴാണ് മെഡിക്കല്‍ സ്റ്റോറിലെ മോഷണത്തില്‍ പ്രതിയാണെന്ന് തിരിച്ചറിഞ്ഞത്. ചോദ്യം ചെയ്തപ്പോള്‍ മോഷണം നടത്തിയതെങ്ങനെയെന്ന് ദാസന്‍ പൊലീസിനോട് വിവരിച്ചു.
