15 വയസിനും 18 വയസിനും ഇടയ്ക്ക് പ്രായമുള്ള ഒരു കുഞ്ഞിനെ XXX എന്നയാള്‍ (ആളുടെ പേര് രേഖയില്‍ മറച്ചിരിക്കുന്നു) ബലാത്സംഗം ചെയ്യുന്നത് ഞാന്‍ കണ്ടു. വേദനകൊണ്ടവന്‍ പുളയുന്നുണ്ടായിരുന്നു. എല്ലാ വാതിലുകളും ഷീറ്റു വെച്ച് അവര്‍ അടച്ചുകളഞ്ഞിരുന്നു. കുഞ്ഞിന്റെ കരച്ചില്‍ കേട്ട് ഞാന്‍ ഡോറിന്റെ മുകളില്‍ തൂങ്ങി നിന്ന് നോക്കുകയായിരുന്നു. അവര്‍ അവിടം മറച്ചിരുന്നില്ല. ആ XXX എന്ന ഉദ്യേഗസ്ഥന്‍ തന്റെ ലിംഗം ആ കുട്ടിയുടെ ഗുദത്തില്‍ തിരുകുന്നതാണ് ഞാന്‍ കണ്ടത്. അപ്പോള്‍ അയാള്‍ ഔദ്യോഗിക വേഷത്തിലായിരുന്നു.
ന്യൂയോര്‍ക്ക്: അമ്മമാരുടെ മുന്നില്‍ വെച്ച് ആണ്‍മക്കളെ അമേരിക്കന്‍ സൈനികര്‍ ബലാത്സംഗം ചെയ്ത വീഡിയോ ദൃശ്യങ്ങള്‍ ലഭിച്ചെന്ന് വെളിപ്പെടുത്തല്‍. അമേരിക്കയിലുള്ള അന്തര്‍ദേശീയ അംഗീകാരമുള്ള മാധ്യമപ്രവര്‍ത്തകരാണ് ഇത്തരമൊരു വെളിപ്പെടുത്തല്‍ നടത്തുന്നത്.
2003ല്‍ അബു ഗരീബലെ തടവുകാരനായിരുന്ന കാസിം മെഹ്ദി ഹിലാസിന്റെ സത്യവാങ്മൂലത്തോടൊപ്പമാണ് വാര്‍ത്തകള്‍ പ്രസിദ്ധീകരിക്കപ്പെട്ടത്. സത്യവാങ്മൂലത്തില്‍ അബു ഗരീബില്‍ തടവുകാരെ സൈനികര്‍ ഔദ്യോഗിക യൂണിഫോമില്‍ തന്നെ ബലാത്സംഗം ചെയ്തതിന്റെ കഥകള്‍ വിവരിക്കുന്നുണ്ട്. (സത്യവാങ്മൂലത്തിന്റെ പൂര്‍ണ രൂപം മലയാളത്തില്‍ താഴെ നല്‍കിയിട്ടുണ്ട്.)
അമേരിക്കയില്‍ പ്രശസ്തനായ സീമോര്‍ ഹെര്‍ഷ് അടക്കമുള്ള മുന്‍നിര മാധ്യമപ്രവര്‍ത്തകരാണ് വാര്‍ത്തയുമായി രംഗത്തെത്തിയിരിക്കുന്നത്. മൈ ലൈ കൂട്ടക്കുരുതിയും വിയറ്റ്‌നാം യുദ്ധവും റിപ്പോര്‍ട്ട് ചെയ്തതിന്റെ പേരില്‍ അന്തര്‍ ദേശീയ വാര്‍ത്താ റിപ്പോര്‍ട്ടിങ്ങിന് പുലിസ്റ്റര്‍ സമ്മാനം ലഭിച്ച മാധ്യമപ്രവര്‍ത്തകന്‍ കൂടിയാണ് സീമോര്‍ ഹെര്‍ഷ്.
അബു ഗരീബില്‍ നിന്നുള്ള ചിത്രം. ഫോട്ടോ: മുസ്ലീം ടൈംസ്
സംഭവത്തിന്റെ രഹസ്യ ദൃശ്യങ്ങള്‍ തന്റെ കൈവശം ഉണ്ട് എന്നാണ് അദ്ദേഹം അവകാശപ്പെടുന്നത്. മാധ്യമപ്രവര്‍ത്തകര്‍ പറയുന്നതനുസരിച്ച് ഈ വീഡിയോ യു.എസ് മര്‍ദ്ദനങ്ങള്‍ അരങ്ങേറുന്ന കുപ്രസിദ്ധമായ തടവു കേന്ദ്രമായ അബു ഗരീബില്‍ റെക്കോര്‍ഡ് ചെയ്തതാണ്.
ഒരു ദശാബ്ദങ്ങള്‍ക്കു മുമ്പ് നടന്ന സംഭവത്തിന്റെ തെളിവുകള്‍ വര്‍ഷങ്ങള്‍ക്കുശേഷം പുറത്തുവന്നിരിക്കുകയാണ്. വര്‍ഷങ്ങളോളം ഈ വീഡിയോ മൂടിവെയ്ക്കപ്പെട്ടെങ്കിലും ഇപ്പോള്‍ ഇത് പറ്റിയ സമയത്താണ് പുറത്തുവന്നിരിക്കുന്നതെന്നും ഹെര്‍ഷ് പറയുന്നു.
യു.എസ് സെനറ്റിന്റെ പീഡന റിപ്പോര്‍ട്ടുകള്‍ ആദ്യം റിലീസ് ചെയ്തതിന് ഒരാഴ്ച മുമ്പ് എ.സി.എല്‍.യുവില്‍ നടത്തിയ പ്രസംഗത്തിലാണ് ഹെര്‍ഷ് പെന്റഗണിന്റെ രഹസ്യ ടേപ്പു സംബന്ധിച്ച ആദ്യ സൂചനകള്‍ നല്‍കിയത്.
” അതിനെക്കുറിച്ച് ചര്‍ച്ച ചെയ്യാം, ഉം… നമുക്ക് അറിയാത്ത ചില മോശം കാര്യങ്ങള്‍ ഇവിടെ നടന്നിട്ടുണ്ട്, അല്ലേ? വീഡിയോകള്‍… അതില്‍ സ്ത്രീകളുണ്ട്. അവര്‍ അവരുടെ പുരുഷന്മാരുമായി നടത്തിയ ആശയവിനിമയങ്ങള്‍, പുറത്തുവന്ന അത്തരം കത്തുകളില്‍ ചിലത് നിങ്ങള്‍ വായിച്ചിട്ടുണ്ടാവാം. അത് അബു ഗരീബാണ്…”
“ആ സന്ദേശങ്ങളില്‍ ഒരു സ്ത്രീ ഇങ്ങനെ പറയുന്നുണ്ടായിരുന്നു “ദയവു ചെയ്തു എന്നെ ഒന്നു കൊല്ലൂ, കാരണം ഈ സംഭവങ്ങള്‍ എനിക്കു താങ്ങാനാവുന്നില്ല, എന്താണു സംഭവിച്ചതെന്നുവെച്ചാല്‍ ആ സ്ത്രീകളെയും അവരുടെ യുവാക്കളായ ആണ്‍കുട്ടികളെയും അറസ്റ്റു ചെയ്തിരിക്കുകയാണ്, യുവാക്കളെ ക്യാമറകള്‍ക്കു മുമ്പില്‍ പ്രകൃതിവിരുദ്ധഭോഗത്തിനു വിധേയരാക്കുകയാണ്. ആ കുട്ടികളുടെ നിലവിളികളും അലറലുകളുടെയും സൗണ്ട് ട്രാക്കും സര്‍ക്കാറിന്റെ കൈവശമുണ്ട്. അതെല്ലാം ഭീകരമാണ്. അതെല്ലാം പുറത്താകാന്‍ പോകുകയാണ്.”
“ഞങ്ങള്‍ക്ക് അതു ലഭിച്ചത് എവിടെ നിന്നാണെന്ന് നിങ്ങളോട് പറയാനാവില്ല. ആരാണ് നമ്മള്‍? ആരൊക്കെയാണ് നമ്മളെ ഇവിടേക്കു പറഞ്ഞച്ചത്? മൈ ലേ സംഭവം റിപ്പോര്‍ട്ട് ചെയ്തപ്പോള്‍ മറ്റാരുടേതും പോലെ എന്റെ മനസും വേദനിച്ചു. ഇത്തരം കേന്ദ്രങ്ങളില്‍ സാക്ഷ്യം വഹിക്കേണ്ടി വന്ന ചിലയാളുകളുടെ കഥകള്‍ എനിക്ക് പറയാനാവും. ഉന്നത ഉദ്യോഗസ്ഥര്‍ക്ക് രേഖാമൂലം പരാതി നല്‍കിയിട്ടുണ്ടെന്നും എനിക്കു പറയാന്‍ കഴിയും.” അദ്ദേഹം പറഞ്ഞു.”
അബു ഗരീബില്‍ നിന്നുള്ള ചിത്രം.
ഇത്തരം വെളിപ്പെടുത്തലുകളുടെ പശ്ചാത്തലത്തിലാണ് സി.ഐ.എ യുടെ പീഡനത്തെ കുറിച്ചുള്ള റിപ്പോര്‍ട്ടുമായി ബന്ധപ്പെട്ട വിഷയങ്ങളില്‍ സന്ധി സംഭഷണങ്ങള്‍ക്ക് അമേരിക്കന്‍ പ്രസിഡന്റെ അദ്ദേഹത്തിന്റെ ഉദ്യോഗസ്ഥ മേധാവിയെ അയച്ചതെന്നും മാധ്യമങ്ങള്‍ വിലയിരുത്തുന്നു. 6700 പേജുകളുള്ള റിപ്പോര്‍ട്ടിന്റെ എക്‌സിക്യൂട്ടീവ് സമ്മറി കേവലം 525 പേജിലൊതുക്കിയാണ് പ്രസിദ്ധീകരിക്കപ്പെട്ടത് എന്ന വിമര്‍ശനവും ഇതോടനുബന്ധിച്ച് ഉയര്‍ന്നിട്ടുണ്ട്.
അമേരിക്കയിലെ വിവിധ മാധ്യമങ്ങള്‍ വീഡിയോ ദൃശ്യത്തിന്റെ വാര്‍ത്ത ചിത്ര സഹിതം റിപ്പോര്‍ട്ട് ചെയ്തിരുന്നു.
അടുത്ത പേജില്‍ തുടരുന്നു
അബു ഗരീബില്‍ നിന്നുള്ള ചിത്രം.
തടവുകാരനായ കാസിം മെഹ്ദി ഹിലാസ് നല്‍കിയ പ്രസ്താവന
ദൈവനാമത്തില്‍ ഞാന്‍ പറയുന്നു, ഇവിടെ ഞാന്‍ പറയുന്ന കാര്യങ്ങള്‍ ഞാന്‍ സാക്ഷിയായിട്ടുള്ള കാര്യങ്ങളാണ്. ഇത് പറയാന്‍ വേണ്ടി എന്നെ ആരും സമ്മര്‍ദ്ദം ചെലുത്തിയിട്ടില്ല.
ആദ്യമായി ഞാന്‍ പറയാന്‍ പോകുന്നത് അബു ഗരീബില്‍ വെച്ച് എനിക്ക് എന്ത് സംഭവിച്ചു എന്നാണ്. മുമ്പ് ഞാന്‍ ജയിലിലായിരുന്നപ്പോള്‍ എന്താണ് സംഭവിച്ചതെന്ന് ഞാന്‍ പറഞ്ഞിരുന്നില്ല. കാരണം അതേ കുറിച്ച് അവര്‍ എന്നോട് ഒന്നും ചോദിച്ചിരുന്നില്ല. അത് അങ്ങേയറ്റം ചീത്ത അനുഭവങ്ങളായിരുന്നു.
1. എന്റെ അടി വസ്ത്രമുള്‍പ്പെടെ എല്ലാം മാറ്റി എന്നെ അവര്‍ നഗ്നനാക്കി. എന്നിട്ട് അവര്‍ എനിക്ക് സ്ത്രീകളുടെ അടിവസ്ത്രം തന്നു. പൂക്കളുള്ള റോസ് കളറിലുള്ളതായിരുന്നു അത്. എന്റെ മുകത്ത് ഒരു ബാഗ് ഇട്ടു.
അതിലൊരാള്‍ എന്റെ കാതില്‍ മെല്ലെ പറഞ്ഞു, “ഞാന്‍ നിന്നെ ഭോഗിക്കാന്‍ പോകുകയാണ്.” അയാള്‍ അത് അറബി ഭാഷയിലാണ് എന്നോട് പറഞ്ഞത്. എന്നോടൊപ്പം ഉണ്ടായിരുന്നവരെല്ലാം ഇതേ പീഡനം അനുഭവിച്ചവരാണ്. ഇതാണ് അമേരിക്കന്‍ പട്ടാളക്കാര്‍ ചെയ്തിരുന്നത്.
അബു ഗരീബില്‍ നിന്നുള്ള ചിത്രം.
അവര്‍ക്കൊരു ദ്വിഭാഷി ഉണ്ടായിരുന്നു; അബു ഹമീദ്. ഒപ്പം ഒരു വനിതാ സൈനികയും. അവര്‍ ഒലിവ് നിറത്തിലുള്ളവളായിരുന്നു. ഇത് നടക്കുന്നത് 2003 ഒക്ടോബര്‍ 3നോ 4നോ ഉച്ചക്ക് ശേഷമാണ്.
അവര്‍ എന്നെ സെല്ലിലെത്തിച്ചപ്പോള്‍ ദ്വിഭാഷിയോടൊപ്പം ഒരു സസൈനികനും അവിടെയെത്തിയിരുന്നു. അയാള്‍ സെര്‍ജന്റ് റാങ്കിലുള്ള ആളായിരുന്നു (എന്നാണ് എന്റെ വിശ്വാസം). അയാള്‍ എന്നെ “നപുംസകമേ” (FAGGOT) എന്ന് വിളിച്ചു. കാരണം ആ സമയം എന്നെ സ്ത്രീകളുടെ അടി വസ്ത്രം ഉടുപ്പിച്ചിരുന്നു. ഞാന്‍ പറഞ്ഞു “ഞാനതല്ല” എന്ന്. അപ്പോള്‍ അയാള്‍ എന്നോട് ചോദിച്ചു “പിന്നെന്തിനാണ് സ്ത്രീകളുടെ അടിവസ്ത്രം ധരിച്ചിരിക്കുന്നത്?” എന്ന്. “നിങ്ങളാണ് എന്നെ അത് ധരിപ്പിച്ചത്” എന്ന് ഞാന്‍ പറഞ്ഞു.
ക്യാമ്പ് ബി-യില്‍ നിന്നും ഞങ്ങളെ ഏകാന്തതടവിലേക്ക് കൊണ്ടുവരുന്നത് മര്‍ദ്ദിച്ചുകൊണ്ടായിരുന്നു. തുടര്‍ച്ചയായ 51 ദിവസങ്ങള്‍ എന്നെ ഈ അടിവസ്ത്രം അവര്‍ നിര്‍ബന്ധിച്ച് ധരിപ്പിച്ചു. ഞങ്ങളുടെ തലയ്ക്കു മുകളിലൂടെ കവര്‍ ഇട്ടിരുന്നതുകൊണ്ട് ആരാണ് ഞങ്ങളെ മര്‍ദ്ദിക്കുന്നത് എന്ന് അറിയാന്‍ കഴിഞ്ഞിരുന്നില്ല. മിക്ക ദിവസങ്ങളിലും സ്ത്രീകളുടെ ഈ അടിവസ്ത്രമല്ലാതെ മറ്റൊന്നും എനിക്ക് ധിരിക്കാന്‍ തന്നിരുന്നില്ല.
അബു ഗരീബില്‍ നിന്നുള്ള ചിത്രം.
2. ഗ്രെയ്‌നര്‍ ആണ് എന്നെ ഏറ്റവും കൂടുതല്‍ മര്‍ദ്ദിച്ചത്. എന്റെ കൈകള്‍ പുറകിലാക്കി ജനലിന്റെ അഴിയില്‍ ഇരുമ്പ് കമ്പികൊണ്ട് ബന്ധിച്ചു. എന്റെ കാലുകള്‍ നിലത്ത് തട്ടാത്ത വിധമായിരുന്നു ബന്ധിച്ചിരുന്നത്. ഞാന്‍ അവിടെ തൂങ്ങിക്കിടന്നു. ഏകദേശം 5 മണിക്കൂറുകള്‍ കഴിഞ്ഞപ്പോള്‍ ഞാന്‍ സമയമെന്തായി എന്ന് ചോദിച്ചു. കാരണം എനിക്ക് പ്രാര്‍ത്ഥിക്കണമായിരുന്നു.
തുടര്‍ന്ന് അവര്‍ എന്റെ വസ്ത്രമെല്ലാം അഴിച്ചു. എന്നെ ധിരിപ്പിച്ചിരുന്ന സ്ത്രീകളുടെ അടിവസ്ത്രവും അഴിച്ചു. അത് എന്റെ തലയിലിട്ടു. എന്നെ ജനലില്‍ നിന്നും മോചിപ്പിച്ചിട്ട കിടക്കയില്‍ ബന്ധിച്ചു. പുലര്‍ച്ചവരെ അതേ അവസ്ഥയില്‍.
അയാള്‍ എന്നെ കുളിമുറിയില്‍ കൊണ്ടുപോയി. എന്നിട്ട് എന്റെ മുറിയില്‍ വീണ്ടും കൊണ്ടുവന്നു. രാത്രി എന്നെ ഭക്ഷണം കഴിക്കാന്‍ അയാള്‍ എനുവദിച്ചിരുന്നില്ല. ആ ദിനം മൊത്തം ഞാന്‍ പട്ടിണിയിലായിരുന്നിട്ടും അയാള്‍ അത് ചെയ്തു. ഗ്രെയ്‌നറും മറ്റ് രണ്ട് സൈനികരും എന്നോട് അവരെന്തൊക്കെ ചെയ്യുന്നുണ്ടോ അതെല്ലാം ക്യാമറയില്‍ പകര്‍ത്തുന്നുണ്ടായിരുന്നു. അവര്‍ എന്നെ മര്‍ദ്ദിച്ചുകൊണ്ടിരിക്കുമ്പോഴും എന്റെ ചിത്രങ്ങളെടുക്കുന്നത് ഞാനറിഞ്ഞിരുന്നില്ല. കാരണം ഒരു മണിക്കൂറിനുള്ളില്‍ എന്റെ ബോധം നശിച്ചിരുന്നു.
3. ആ ദിവസവും രാത്രിയും ഞങ്ങള്‍ക്ക് അവര്‍ ഭക്ഷണം തന്നിരുന്നില്ല. റംസാനിലേതുപോലെ ഞങ്ങള്‍ പട്ടിണി കിടന്നു.
അടുത്ത പേജില്‍ തുടരുന്നു
അബു ഗരീബില്‍ നിന്നുള്ള ചിത്രം. ഫോട്ടോ: ലെഫ്റ്റ് വോയ്‌സ്‌.
ഇനി ഞാന്‍ പറയാന്‍ പോകുന്നത് ഞാന്‍ കണ്ട കാര്യമാണ്:
1) അവര്‍ മൂന്ന് തടവുകാരെ നഗ്നരാക്കി കൊണ്ടുവന്നു. കൈവിലങ്ങണിയിച്ചായിരുന്നു കൊണ്ട് വന്നിരുന്നത്. മൂന്നു പേരെയും ഒരു കയറുകൊണ്ട് പരസ്പരം ബന്ധിച്ചിരുന്നു. പരസ്പരം ഒട്ടിച്ചേര്‍ന്ന വിധമായിരുന്നു അവരെ കൊണ്ട് വന്നത്.
അവരെ ഒരു ഫുട്ബാള്‍ കൊണ്ട് അമേരിക്കന്‍ സൈനികര്‍ മര്‍ദ്ദിക്കുന്നുണ്ടായിരുന്നു. ഇതൊക്കെ തന്നെയും അവര്‍ ചിത്രം പിടിക്കുകയും ചെയ്തിരുന്നു. ഒരു തടവുകാരന്റെ അടിവസ്ത്രം ഉരിയാന്‍ പോയപ്പോള്‍ ഗ്രൈയ്‌നറെ അയാള്‍ തടഞ്ഞു. തടവുകാരന്റെ മുഖമടച്ച് ഗ്രെയ്‌നര്‍ മുഷ്ടിച്ചുരുട്ടി ഇടിച്ചു. അവര്‍ സഹായത്തിനായി അപേക്ഷിക്കുന്നത് ഞാന്‍ കേട്ടു.
തുടര്‍ന്ന് അവരോട് പരസ്പരം സ്വവര്‍ഗഭോഗം ചെയ്യാന്‍ അമേരിക്കന്‍ പട്ടാളക്കാര്‍ പറഞ്ഞു. അവിടെ 7-8 പട്ടാളക്കാരായിരുന്നു ഉണ്ടായിരുന്നത്. അതില്‍ കറുത്തവര്‍ഗക്കാരനായ സര്‍ജെന്റ് പദവിയിലുള്ള ഉദ്യോഗസ്ഥനുമുണ്ടായിരുന്നു.
വനിതാ ഉദ്യോഗസ്ഥരും പടം പിടിക്കുന്നുണ്ടായിരുന്നു. അത് റംസാന്റെ ആദ്യ ദിനമായിരുന്നു. രണ്ടാമത്തെ ദിവസവും അവരിത് ചെയ്തു. പരസ്പരം ബന്ധിച്ചിരുന്നപ്പോള്‍ അവരോട് ഇഴയാനും പട്ടാളക്കാര്‍ ആജ്ഞാപിച്ചിരുന്നു.
2) 15 വയസിനും 18 വയസിനും ഇടയ്ക്ക് പ്രായമുള്ള ഒരു കുഞ്ഞിനെ XXX എന്നയാള്‍ (ആളുടെ പേര് രേഖയില്‍ മറച്ചിരിക്കുന്നു) ബലാത്സംഗം ചെയ്യുന്നത് ഞാന്‍ കണ്ടു. വേദനകൊണ്ടവന്‍ പുളയുന്നുണ്ടായിരുന്നു. എല്ലാ വാതിലുകളും ഷീറ്റു വെച്ച് അവര്‍ അടച്ചുകളഞ്ഞിരുന്നു. കുഞ്ഞിന്റെ കരച്ചില്‍ കേട്ട് ഞാന്‍ ഡോറിന്റെ മുകളില്‍ തൂങ്ങി നിന്ന് നോക്കുകയായിരുന്നു. അവര്‍ അവിടം മറച്ചിരുന്നില്ല. ആ XXX എന്ന ഉദ്യേഗസ്ഥന്‍ തന്റെ ലിംഗം ആ കുട്ടിയുടെ ഗുദത്തില്‍ തിരുകുന്നതാണ് ഞാന്‍ കണ്ടത്. അപ്പോള്‍ അയാള്‍ ഔദ്യോഗിക വേഷത്തിലായിരുന്നു.
ആ കുട്ടിയുടെ മുഖം എനിക്ക് കാണാന്‍ കഴിഞ്ഞിരുന്നില്ല. അവന്റെ മുഖം ഡോറിന് അഭിമുഖമായിരുന്നില്ല. അവിടെ വനിതാ സൈനികര്‍ അതിന്റെ ചിത്രങ്ങള്‍ പകര്‍ത്തുന്നുണ്ടായിരുന്നു. അ സമയം ആ ഉദ്യോഗസ്ഥന്‍ ഒരു ഗേയായാണ് ഞാന്‍ കണ്ടത്. എനിക്ക് നന്നായി ഓര്‍ക്കാന്‍ കഴിയുന്നുണ്ട്; ആ സെല്ലിന്റെ നമ്പര്‍ 23 ആയിരുന്നു.
സീമോര്‍ ഹെര്‍ഷ്
3) ആസെല്‍ ഏറ്റവും താഴെയായിരുന്നു. വടക്ക് വശത്ത്. മറ്റേ ദിശയിലായിരുന്നു ഞാന്‍. വീണ്ടും അവര്‍ വാതിലില്‍ ഷീറ്റുകള്‍ ഇട്ടു. ഗ്രെയ്‌നറും അയ്യാളുടെ സഹായിയും കൂടി ഒരു തടവു കാരനം കാവിലങ്ങണിയിച്ച് അവിടെ റൂം 1ല്‍ എത്തിച്ചു. അവന്റെ പേര് YYY (പേര് മറച്ചിരിക്കുന്നു) എന്നായിരുന്നു. അവന്‍ ഇറാഖി പൗരനാണ്.
അവനെ അവര്‍ കിടക്കയില്‍ ബന്ധിച്ചു. അവന്റെ ഗുദത്തില്‍ അവര്‍ ഫോസ്ഫറസ് ലൈറ്റ് വെച്ച് കത്തിച്ചു. അവന്‍ ജീവനു വേണ്ടി ദൈവത്തെ വിളിക്കുന്നുണ്ടായിരുന്നു.YYY എന്ന ആ ബാലന് ധാരാളം മര്‍ദ്ദനം ഏല്‍ക്കുകയുണ്ടായി. അവന്റെ നിലവിളികള്‍ ഞാനൊരുപാട് കേട്ടു. ഇതൊക്കെ ചെയ്യുന്ന സമയത്ത് ഡോറിനടുത്ത് നില്‍ക്കാന്‍ ഞങ്ങളെ അനുവദിച്ചിരുന്നില്ല.
അന്നൊരു റംസാന്‍ രാവായിരുന്നു. അര്‍ദ്ധരാത്രി. അന്നാണ് അവന്റെ ഗുദത്തില്‍ ഒരു വടി ഇടിച്ചു കയറ്റുന്നത് ഞാന്‍ കണ്ടത്. അപ്പോഴും വനിതാ സൈനികര്‍ പടംപിടിക്കുന്നുണ്ടായിരുന്നു.
4 ) ഒന്നിലധികം ആളുകള്‍ ബക്കറ്റിനു മുകളില്‍ നില്‍ക്കുന്നതു ഞാന്‍ കണ്ടു. അവരെല്ലാം നഗ്നരായിരുന്നു. കയ്യില്‍ പിടിച്ച കസേര അവര്‍ തലയ്ക്കു മുകളില്‍ ഉയര്‍ത്തി റൂമിലെ ഫേനിനു ചുവടെ നില്‍ക്കുകയാണ്.
ഒരു രാത്രിയിലെ കാര്യം മാത്രമല്ല ഇത്. ഞാനവിടെ നിന്ന സമയം മുഴുവനും സ്വയം അറിയാതെ കാണാതെ എന്താണു എനിക്കു സംഭവിക്കുന്നതെന്നു തിരിച്ചറിയാതെ നില്‍ക്കുകയായിരുന്നു.
അള്ളാഹുവിന്റെ നാമത്തില്‍ ഞാന്‍ പറഞ്ഞ കാര്യങ്ങളെല്ലാം സത്യമാണ്. അള്ളാഹുവാണ് എന്റെ സാക്ഷി.
(ഇംഗ്ലീഷിലേയ്ക്ക്) വിവര്‍ത്തനം ചെയ്തത് : ജോണ്‍സണ്‍ ഈശോ
പരിശോധിച്ച് ഉറപ്പു വരുത്തിയത് : അബ്ദിലില്ലാ അലാസാദി
