ഉമ്മന്‍ ചാണ്ടിയുടെ രാഷ്ട്രീയ ജീവിതം പറയുന്ന 'ദ അണ്‍നോണ്‍ വാരിയര്‍'; ടീസര്‍ പുറത്തുവിട്ട് മമ്മൂട്ടി, റിലീസ് ചെയ്യുന്നത് അഞ്ചു ഭാഷകളില്‍
എന്റര്‍ടെയിന്‍മെന്റ് ഡെസ്‌ക്
Friday, 17th September 2021, 3:31 pm
കൊച്ചി: മുന്‍ മുഖ്യമന്ത്രിയും കോണ്‍ഗ്രസിന്റെ മുതിര്‍ന്ന നേതാവുമായ ഉമ്മന്‍ചാണ്ടിയുടെ രാഷ്ട്രീയ ജീവിതം അടിസ്ഥാനമാക്കി ഒരുക്കുന്ന ഡോക്യുമെന്ററിയുടെ ടീസര്‍ നടന്‍ മമ്മൂട്ടി പുറത്തുവിട്ടു.
‘ദ അണ്‍നോണ്‍ വാരിയര്‍’ എന്ന് പേരിട്ടിരിക്കുന്ന ഡോക്യുമെന്ററി ഉമ്മന്‍ചാണ്ടിയുടെ നിയമസഭാ പ്രവേശനത്തിന്റെ സുവര്‍ണജൂബിലിയോടനുബന്ധിച്ചാണ് തയ്യാറാക്കിയത്.
മക്ബൂല്‍ റഹ്മാനാണ് ഡോക്യുമെന്ററി സംവിധാനം ചെയ്തത്. മലയാളം, തമിഴ്, ഹിന്ദി, തെലുങ്ക്, ഇംഗ്ലീഷ് എന്നീ ഭാഷകളില്‍ ഒരുക്കിയ ഡോക്യുമെന്ററി ഒക്ടോബര്‍ രണ്ടിനാണ് പുറത്തിറങ്ങുക.
