തെലുങ്കില്‍ മഹേഷ് ബാബു; തമിഴില്‍ കിങ് ഓഫ് കൊത്ത ടീസര്‍ റിലീസ് ചെയ്യാന്‍ സൂപ്പര്‍ താരം
എന്റര്‍ടെയിന്‍മെന്റ് ഡെസ്‌ക്
Monday, 26th June 2023, 12:02 pm
ദുല്‍ഖര്‍ സല്‍മാന്‍ ചിത്രം കിങ് ഓഫ് കൊത്തയുടെ തെലുങ്ക് ടീസര്‍ മഹേഷ് ബാബുവും തമിഴ് ടീസര്‍ ചിമ്പുവും റിലീസ് ചെയ്യും. ദുല്‍ഖറിനോടൊപ്പം തെന്നിന്ത്യയിലെ പ്രശസ്ത താരങ്ങളും സാങ്കേതിക പ്രവര്‍ത്തകരും ഒരുമിക്കുന്ന ഹൈ ബജറ്റഡ് ചിത്രം കിങ് ഓഫ് കൊത്തയിലെ ടീസറിനായുള്ള കാത്തിരിപ്പിലാണ് പ്രേക്ഷകര്‍.
കഴിഞ്ഞ ദിവസം പുറത്തുവിട്ട ചിത്രത്തിലെ കഥാപാത്രങ്ങളെ വെളിപ്പെടുത്തിക്കൊണ്ടുള്ള ചിത്രത്തിന്റെ മോഷന്‍ പോസ്റ്ററിനും അതിലെ ജേക്‌സ് ബിജോയ് ഒരുക്കിയ ബാക്ക്ഗ്രൗണ്ട് സ്‌കോറിങ്ങിനും വലിയ പ്രശംസ ലഭിച്ചിരുന്നു.
സോഷ്യല്‍ മീഡിയയിലെ വിവിധ പ്ലാറ്റ് ഫോമുകളില്‍ നിന്ന് എട്ട് മില്യണ്‍ ആളുകള്‍ക്കപ്പുറമാണ് മോഷന്‍ പോസ്റ്ററിന്റെ ഇതുവരെയുള്ള കാഴ്ചക്കാരുടെ എണ്ണം. ജൂണ്‍ 28ന് വൈകുന്നേരം 6 മണിക്കാണ് ടീസര്‍ റിലീസ് ചെയ്യുന്നത്.
