മിസ്റ്റര്‍ മോദി, ഈ ഭീകര ദിവസത്തെ നിങ്ങള്‍ എന്തുവിളിക്കും; കുത്ത്ബുദ്ദീന്‍ അന്‍സാരിയുടെ ചിത്രം ഒന്നാം പേജില്‍ നല്‍കി പ്രധാനമന്ത്രിയോട് ടെലഗ്രാഫ്
ഡൂള്‍ന്യൂസ് ഡെസ്‌ക്
Sunday, 15th August 2021, 10:32 pm
കൊല്‍ക്കത്ത: ഗുജറാത്ത് കലാപത്തിന്റെ ഇര കുത്ത്ബുദ്ദീന്‍ അന്‍സാരിയുടെ പടം ഒന്നാം പേജില്‍ നല്‍കി ദ ടെലഗ്രാഫ് ദിനപത്രം.
മിസ്റ്റര്‍ മോദി, ഈ ഭീകര ദിവസത്തെ നിങ്ങള്‍ എന്തുവിളിക്കും എന്ന തലക്കെട്ടോടെയാണ് കൈകൂപ്പി നില്‍ക്കുന്ന കുത്ത്ബുദ്ദീന്‍ അന്‍സാരിയുടെ പടം ടെലഗ്രാഫ് നല്‍കിയത്.
പ്രധാനമന്ത്രി നരേന്ദ്ര മോദി ഗുജറാത്ത് മുഖ്യമന്ത്രിയായിരിക്കെ ആയിരത്തിലധികം പേര്‍ കൊല്ലപ്പെട്ട ഗുജറാത്ത് കലാപത്തിന്റെ ഭീകരതയും ആഘാതവും തുറന്നുകാട്ടുന്ന ചിത്രമാണിതെന്ന് ചിത്രത്തിന്റെ വിവരണത്തില്‍ പറയുന്നു. കൂടുതലായും മുസ്‌ലിങ്ങളായിരുന്നു ഗുജറാത്ത് കലാപത്തില്‍ കൊല്ലപ്പെട്ടത്.
ഭയന്നുവിറച്ച് നില്‍ക്കുന്ന കുത്ത്ബുദ്ദീന്‍ അന്‍സാരിയുടെ ചിത്രം 2002 മാര്‍ച്ചില്‍ ആണ് റോയിട്ടേഴ്സ് ഫോട്ടോഗ്രാഫര്‍ പകര്‍ത്തിയത്.
