'മമ്പുറം മിനി സ്റ്റേഡിയത്തില്‍ തീപാറും'; കമന്റേറ്റര്‍ പാത്തുവായി കല്യാണി, 'ശേഷം മൈക്കില്‍ ഫാത്തിമ' ടീസര്‍
ഡൂള്‍ന്യൂസ് ഡെസ്‌ക്
Saturday, 26th August 2023, 6:26 pm
കല്യാണി പ്രിയദര്‍ശന്‍ ലീഡ് റോളിലെത്തുന്ന ‘ശേഷം മൈക്കില്‍ ഫാത്തിമ’യുടെ ടീസര്‍ പുറത്ത്. മഞ്ജു വാര്യരുടെയും മമ്താ മോഹന്‍ദാസിന്റെയും സോഷ്യല്‍ മീഡിയാ പ്ലാറ്റ് ഫോമുകളിലൂടെയാണ് ടീസര്‍ റിലീസ് ചെയ്തത്.
തല്ലുമാലക്ക് ശേഷം കല്യാണി അഭിനയിക്കുന്ന കളര്‍ഫുള്‍ ഫാമിലി എന്റര്‍ടൈനറാണ് ‘ശേഷം മൈക്കില്‍ ഫാത്തിമ’. അനിരുദ്ധ് രവിചന്ദര്‍ ആലപിച്ച ചിത്രത്തിലെ ഗാനം വലിയ ശ്രദ്ധ നേടിയിരുന്നു.
മനു സി. കുമാറാണ് ചിത്രത്തിന്റെ സംവിധാനം. ചിത്രത്തിലെ കേന്ദ്ര പ്രധാന കഥാപാത്രമായി കല്യാണി പ്രിയദര്‍ശന്‍ ഫുട്‌ബോള്‍ കമന്റേറ്ററായിട്ടാണ് ചിത്രത്തില്‍ എത്തുന്നത്. ‘ശേഷം മൈക്കില്‍ ഫാത്തിമ’തിയേറ്ററുകളിലേക്ക് ഉടന്‍ എത്തുമെന്ന് അണിയറപ്രവര്‍ത്തകര്‍ അറിയിച്ചു.
