നിവിന്‍ പോളിയെ നായകനാക്കി ഹനീഫ് അദേനി തിരക്കഥയും സംവിധാനവും നിര്‍വഹിക്കുന്ന ചിത്രത്തിന്റെ ഷൂട്ടിംഗ് ജനുവരി 20ന് യു.എ.ഇയില്‍ തുടക്കം കുറിച്ചിരുന്നു. ഇപ്പോഴിതാ ചിത്രത്തിന്റെ ടീമിനൊപ്പം നിവിന്‍ പോളിയും ജോയിന്‍ ചെയ്ത വാര്‍ത്ത പുറത്തുവന്നിരിക്കുകയാണ്. ആരാധകര്‍ ആവേശത്തോടെയാണ് ഈ വാര്‍ത്ത ഏറ്റെടുത്തിരിക്കുന്നത്.
ചിത്രത്തില്‍ നിവിന്‍ പക്കാ സ്‌റ്റൈലിഷ് ലുക്കിലാണ് എത്തുന്നത്. ലോക്കേഷനില്‍ നിന്നുമുള്ള നിവിന്‍ പോളിയുടെ പുതിയ ലുക്കിലുള്ള ഫോട്ടോസ് ഇപ്പോള്‍ സോഷ്യല്‍ മീഡിയ കീഴടക്കിയിരിക്കുകയാണ്. 2019 ല്‍ പുറത്തെത്തിയ മിഖായേലിനു ശേഷം നിവിന്‍ പോളി- ഹനീഫ് അദേനി ഒരുമിക്കുന്ന ചിത്രമാണ് എന്‍.പി 42 (NP 42).
നിവിന്റെ കരിയറിലെ 42-ാം ചിത്രം നിര്‍മ്മിക്കുന്നത് മാജിക് ഫ്രെയിംസ്, പോളി ജൂനിയര്‍ പിക്‌ചേഴ്‌സ് എന്നീ ബാനറുകളില്‍ ലിസ്റ്റിന്‍ സ്റ്റീഫനും നിവിന്‍ പോളിയും ചേര്‍ന്നാണ്. ശരീരഭാരം കുറച്ച് നടത്തിയ മേക്കോവറിന്റെ പേരിലാണ് നിവിന്‍ അടുത്തിടെ വാര്‍ത്താ തലക്കെട്ടുകളില്‍ വീണ്ടും ഇടംപിടിച്ചത്.
