തിരുവനന്തപുരം: സെക്രട്ടറിയേറ്റിലെ ശുചിമുറിയിലെ ക്ലോസറ്റ് പൊട്ടിവീണ് സെക്രട്ടറിയേറ്റ് ജീവനക്കാരിക്ക് പരിക്കേറ്റു. ജീവനക്കാരിയെ കിംസ് ആശുപത്രിയില്‍ പ്രവേശിപ്പിച്ചു.

സെക്രട്ടറിയേറ്റിലെ അനക്‌സ് ഒന്നിലെ ശുചിമുറിയിലാണ് അപടകമുണ്ടായത്. തദ്ദേശഭരണ വകുപ്പിലെ ഉദ്യോഗസ്ഥയ്ക്കാണ് പരിക്കേറ്റത്.

അനക്‌സ് ഒന്നിലെ ഒന്നാം നിലയിലെ ശുചിമുറിയില്‍ ബാത്ത്‌റൂമില്‍ പോയ ഉദ്യോഗസ്ഥയ്ക്കാണ് പരിക്കേറ്റത്. ഉച്ചയ്ക്ക് ഒരു മണിയോടെയായിരുന്നു സംഭവം.

ക്ലോസറ്റ് പൊട്ടിവീണ് കാലിന്റെ ഭാഗത്ത് മുറിവേല്‍ക്കുകയായിരുന്നു. പിന്നാലെ സ്വകാര്യ ആശുപത്രിയിലേക്ക് കൊണ്ടുപോവുകയായിരുന്നു.

നേരത്തെ സെക്രട്ടേറിയേറ്റിലെ സീലിങ്ങ് ഇളകി വീണ് മറ്റൊരു ഉദ്യോഗസ്ഥന് പരിക്കേറ്റിരുന്നു. പിന്നാലെയാണ് ശുചിമുറിയില്‍ വെച്ച് ഉദ്യോഗസ്ഥയ്ക്ക് പരിക്കേല്‍ക്കുന്നത്.

Content Highlight: The secretary’s closet fell and the employee was injured