ആമസോണ്‍ ഒറിജിനല്‍ സീരീസ് സിറ്റാഡല്‍ ഏപ്രില്‍ 28-ന് പ്രൈം വീഡിയോയില്‍ വേള്‍ഡ് പ്രീമിയറിനായി തയ്യാറെടുക്കുകയാണ്. ചിത്രത്തിന്റെ പ്രീമിയര്‍ ലണ്ടനില്‍ നടന്നു. സീരീസിലെ പ്രധാന അഭിനേതാക്കളായ റിച്ചാര്‍ഡ് മാഡന്‍, പ്രിയങ്ക ചോപ്ര ജോനാസ്, സ്റ്റാന്‍ലി ടുച്ചി, ലെസ്ലി മാന്‍വില്ലെ, എക്സിക്യൂട്ടീവ് പ്രൊഡ്യൂസര്‍മാരായ ജോ, ആന്റണി റൂസോ, ഷോറണ്ണര്‍ ഡേവിഡ് വെയില്‍ എന്നിവര്‍ ലണ്ടന്‍ പ്രീമിയറില്‍ പങ്കെടുത്തു.
ഫ്രാഞ്ചൈസിയിലുടനീളമുള്ള ഏജന്റുമാര്‍ ലണ്ടന്‍ പ്രീമിയറിനായി ചേര്‍ന്നു. അതില്‍ വരുണ്‍ ധവാന്‍, സാമന്ത റൂത്ത് പ്രഭു എന്നിവര്‍ക്കൊപ്പം രചയിതാക്കളും സ്രഷ്ടാക്കളുമായ രാജ് & ഡി.കെ, സിറ്റാഡലിന്റെ ഇന്ത്യന്‍ വിഭാഗത്തില്‍ നിന്നുള്ള സഹ-എഴുത്തുകാരി സീതാ മേനോന്‍, ഒപ്പം മട്ടില്‍ഡ ഡി ആഞ്ചലിസ്, കൂടാതെ ഇറ്റാലിയന്‍ വിഭാഗത്തില്‍ നിന്നുള്ള എക്സിക്യൂട്ടീവ് പ്രൊഡ്യൂസറും ഷോറണ്ണറും ആയ ജിന ഗാര്‍ഡിനി എന്നിവര്‍ പ്രീമിയറിനെത്തി.
