മലയാള സിനിമയില്‍ ഇതാദ്യം; ന്യൂയോര്‍ക്കിലെ ടൈം സ്‌ക്വയറില്‍ കിങ് ഓഫ് കൊത്ത
എന്റര്‍ടെയിന്‍മെന്റ് ഡെസ്‌ക്
Sunday, 20th August 2023, 1:45 pm
ഓണത്തിന് പ്രേക്ഷകരിലേക്കെത്തുന്ന ദുല്‍ഖര്‍ സല്‍മാന്‍ ചിത്രം കിങ് ഓഫ് കൊത്തയുടെ പ്രൊമോഷന്‍ ന്യൂയോര്‍ക്കിലെ ടൈംസ് സ്‌ക്വയറിലും എത്തി. മലയാള സിനിമാ ചരിത്രത്തിലാദ്യമായാണ് ടൈംസ് സ്‌ക്വയറില്‍ ഒരു ചിത്രത്തിന്റെ പ്രൊമോഷന്‍ നടക്കുന്നത്.
അഭിലാഷ് ജോഷി സംവിധാനം നിര്‍വഹിച്ച ചിത്രത്തിന്റെ ഗംഭീര പ്രൊമോഷന്‍ പരിപാടികള്‍ ലോകവ്യാപകമായി നടക്കുമ്പോള്‍ ഗംഭീര പ്രീ ബുക്കിങ് ആണ് ചിത്രത്തിന് ലഭിക്കുന്നത്. മലയാള സിനിമയില്‍ ഇതുവരെ കണ്ടിട്ടില്ലാത്ത വേറിട്ട പ്രൊമോഷന്‍ പരിപാടികള്‍ ആണ് കിങ് ഓഫ് കൊത്തയുടെ ഭാഗമായി നടക്കുന്നത്.
ഇന്ത്യയിലെ വ്യത്യസ്ത ഭാഷകളില്‍ മികച്ച സിനിമകള്‍ നിര്‍മിച്ച സീ സ്റ്റുഡിയോസും ദുല്‍ഖറിന്റെ വേഫേറെര്‍ ഫിലിംസും നിര്‍മിച്ച ചിത്രം ലോകവ്യാപകമായി ആഗസ്റ്റ് 24 ന് തിയേറ്ററുകളിലേക്കെത്തും.
