മിസ് യൂണിവേഴ്സ് മത്സരത്തില്‍ സൗദി പങ്കെടുക്കുമെന്ന വാര്‍ത്തകള്‍ വ്യാജം; റിപ്പോര്‍ട്ടുകള്‍ തെറ്റിദ്ധരിപ്പിക്കുന്നതെന്ന് സംഘാടകര്‍
ഡൂള്‍ന്യൂസ് ഡെസ്‌ക്
Wednesday, 3rd April 2024, 7:19 pm
റിയാദ്: മിസ് യൂണിവേഴ്സ് മത്സരത്തില്‍ ആദ്യമായി സൗദി അറേബ്യ പങ്കെടുക്കുമെന്ന വാര്‍ത്തകള്‍ വ്യാജം. ഇതുസംബന്ധിച്ച് വരുന്ന വാര്‍ത്തകള്‍ വ്യാജമാണെന്നും സൗദി മത്സരത്തില്‍ പങ്കെടുക്കുന്നില്ലെന്നും പരിപാടിയുടെ സംഘാടകര്‍ അറിയിച്ചു.
സൗദി മോഡലായ റൂമി അല്‍ഖഹ്താനി സമൂഹ മാധ്യമങ്ങളില്‍ പങ്കുവെച്ച പോസ്റ്റിനെ തുടര്‍ന്നാണ് വാര്‍ത്തകള്‍ പ്രചരിപ്പിക്കപ്പെട്ടത്.
View this post on Instagram
സൗദി ആദ്യമായി മിസ് യൂണിവേഴ്സ് മത്സരത്തില്‍ പങ്കെടുക്കുന്നുവെന്ന രീതിയിലാണ് അന്താരാഷ്ട്ര മാധ്യമങ്ങള്‍ അടക്കം റിപ്പോര്‍ട്ട് ചെയ്തത്. ഇതിനുപുറമെ റൂമിയുടെ പ്രഖ്യാപനത്തോടെ മുന്‍ വര്‍ഷത്തെ മിസ് യൂണിവേഴ്സ് മത്സരത്തില്‍ ബഹ്റൈനെ പ്രതിനിധീകരിച്ച ലുജെയ്ന്‍ യാക്കൂബിന്റെ പാത പിന്തുടരുകയാണ് സൗദിയെന്നും റിപ്പോര്‍ട്ട് ചെയ്യപ്പെട്ടിരുന്നു.
