ന്യൂദല്‍ഹി: ദേശീയ ഗാനത്തില്‍ മാറ്റം വരുത്തണമെന്നാവശ്യവുമായി കോണ്‍ഗ്രസ് രാജ്യസഭ എം.പി. ദേശീയ ഗാനത്തിലെ സിന്ധ് എന്നത് ഇന്ന് ശത്രു രാജ്യമായ പാക്കിസ്ഥാനിലാണെന്നും ഇത് ഒഴിവാക്കണമെന്നുമാണ് കോണ്‍ഗ്രസ് എം.പിയായ റിപുന്‍ ബോറയുടെ ആവശ്യം.

ഈ ആവശ്യം ചൂണ്ടികാണിച്ച് രാജ്യസഭയില്‍ സ്വകാര്യബില്ലും ബോറ അവതരപ്പിച്ചു. ദേശീയ ഗാനത്തില്‍ ഇന്ത്യയുടെ വടക്കുകിഴക്ക് ഭാഗത്തിന്റെ പ്രാതിനിധ്യം ഇല്ലെന്നും ഈ പ്രദേശത്തെ ഉള്‍പ്പെടുത്തണമെന്നും ആസാമില്‍ നിന്നുള്ള എം.പിയായ ബോറ പറഞ്ഞു.

2016 ലും ബോറ സമാന രീതിയിലുള്ള ആവശ്യം ഉന്നയിച്ചിരുന്നു. കേന്ദ്രമന്ത്രിയായിരുന്ന അരവിന്ദ് സാവന്തും ദേശീയഗാനത്തില്‍നിന്ന് സിന്ധ് ഒഴിവാക്കണമെന്നാവശ്യപ്പെട്ട് 2016ല്‍ രംഗത്തുവന്നിരുന്നു.

I introduced 3 nos. Pvt Bills in the #RajyaSabha today namely-
1. The Armed Forces (Special Powers) Repeal Bill 2018.
2. The Women ( Equal Participation in International Peace Negotiations Treaties and Agreements) Bill 2018.
3. The National Anthem (Modification) Bill 2018. pic.twitter.com/U0BW0rWPaO

— Ripun Bora (@ripunbora) June 21, 2019

മറ്റ് മൂന്ന് ബില്ലുകള്‍ കൂടി ബോറ രാജ്യസഭയില്‍ അവതരിപ്പിച്ചിരുന്നു. അതേസമയം സിന്ധ് എന്നത് ഏതെങ്കിലും സ്ഥലപ്പേരല്ലെന്നും സിന്ധുനദീതട സംസ്‌കാരത്തിനെയാണ് കാണിക്കുന്നതെന്നും ബോറയ്ക്ക് മറുപടിയുമായി സോഷ്യല്‍ മീഡിയ രംഗത്തെത്തിയിരുന്നു.
Doolnews Video