ടു മെന്‍ ഏറ്റെടുത്ത് ഗള്‍ഫിലെ പ്രേക്ഷകര്‍; നിറഞ്ഞ സദസില്‍ പ്രദര്‍ശനം തുടരുന്നു
എന്റര്‍ടെയിന്‍മെന്റ് ഡെസ്‌ക്
Saturday, 13th August 2022, 11:54 am
ഗള്‍ഫ് രാജ്യങ്ങളില്‍ റിലീസ് ചെയ്ത ടു മെന്‍ എന്ന ചിത്രത്തിന് വന്‍ സ്വീകാര്യത. പ്രവാസ ഭൂമിയില്‍ നിന്നുകൊണ്ട് ത്രില്ലര്‍ സ്വഭാവത്തിലുള്ള കഥ പറഞ്ഞ ചിത്രം എല്ലാത്തരം പ്രേക്ഷര്‍ക്കും രസിക്കുന്നുണ്ട്. യു.എ.ഇ, ഖത്തര്‍ ഉള്‍പ്പടെയുള്ള രാജ്യങ്ങളില്‍ ചിത്രത്തിന് നിരവധി ഹൗസ്ഫുള്‍ ഷോകള്‍ ലഭിച്ചു. പ്രവാസി സംഘടനകളുടെ നേതൃത്വത്തില്‍ പ്രത്യേക ഷോകളും സംഘടിപ്പിച്ചു.
ഡി ഗ്രൂപ്പിന്റെ ബാനറില്‍ മാനുവല്‍ ക്രൂസ് ഡാര്‍വിന്‍ നിര്‍മിച്ച ചിത്രം കെ. സതീഷാണ് സംവിധാനം ചെയ്തത്. പ്രവാസിയായ ഒരു പിക്ക് അപ് ഡ്രൈവറുടേയും അയാള്‍ നേരിടുന്ന അവിചാരിത സംഭവങ്ങളുടേയും കഥ പറയുന്ന സിനിമയാണ് ടു മെന്‍. എം.എ. നിഷാദും ഇര്‍ഷാദ് അലിയുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്.
