ഡൂള്‍ന്യൂസ് ഡെസ്‌ക്2 min
ഖത്തര്‍ ലോകകപ്പില്‍ ഗ്രൂപ്പ് ഘട്ടത്തിലെ സൂപ്പര്‍ പോരാട്ടമെന്ന് വിശേഷിപ്പിച്ച ജര്‍മനി- സ്‌പെയ്ന്‍ മത്സരം സമനിലയില്‍ അവസാനിച്ചു. ഇരു ടീമുകളും ഓരോ ഗോളുകളാണ് നേടിയത്. മത്സരത്തിന്റെ രണ്ടാം പകുതിയിലാണ് ഇരു ഗോളുകളും പിറന്നത്.
62ാം മിനിട്ടില്‍ ആല്‍വാരോ മൊറാട്ടയുടെ ഗോളില്‍ സ്പെയ്‌നാണ് ആദ്യം മുന്നിലെത്തിയത്. ഇടതുവിങ്ങില്‍ നിന്ന് ജോഡി ആല്‍ബ നല്‍കിയ പാസ് മൊറാട്ട വലയിലെത്തിക്കുകയായിരുന്നു.
തുടര്‍ന്ന് 83ാം മിനിട്ടില്‍ നിക്ലാസ് ഫുള്‍ക്രഗ് ജര്‍മനിയെ തോല്‍വിയില്‍ നിന്ന് രക്ഷിക്കുകയായിരുന്നു. മുസിയാലയുടെ അസിസ്റ്റില്‍ പന്തുമായി വലതുവിങ്ങിലൂടെ വന്ന ഫുള്‍ക്രഗ് ഗോള്‍ പോസ്റ്റിലേക്ക് നിറയൊഴിക്കുകയായിരുന്നു. ഒരു ഘട്ടത്തില്‍ തോല്‍വിയുറപ്പിച്ചടത്തു നിന്നാണ് അവസാന മിനിട്ടുകളില്‍ തകര്‍പ്പന്‍ പ്രകടനം പുറത്തെടുത്ത് ജര്‍മനി സമനില പിടിച്ചെടുത്തത്.
ആല്‍വാരോ മൊറാട്ടയും നിക്ലാസ് ഫുള്‍ക്രുഗും പകരക്കാരായി വന്നാണ് സ്‌കോര്‍ ചെയ്തത്. ആദ്യ മത്സരത്തില്‍ ജപ്പാനോട് അട്ടിമറി തോല്‍വി വഴങ്ങിയ ജര്‍മനി ഈ സമനിലയോടെ പ്രീ ക്വാര്‍ട്ടര്‍ പ്രതീക്ഷകള്‍ സജീവമാക്കി. ആദ്യ മത്സരത്തില്‍ കോസ്റ്റാറിക്കക്കെതിരെ ഏഴ് ഗോളുകള്‍ക്ക് വിജയിക്കാന്‍ സ്‌പെയ്‌നിനായിരുന്നു.
Germany have 7 Bayern Munich players, while Spain have 8 Barcelona players. pic.twitter.com/MwJspNPx4I
— Barça Universal (@BarcaUniversal) November 27, 2022
ആദ്യ പകുതി ഗോള്‍രഹിതം
സ്‌പെയ്‌നിന്റെ വ്യക്തമായ ആധിപത്യമാണ് ആദ്യ പകുതിയില്‍ കണ്ടത്. ഈ സമയത്ത് 69 ശതമാനം നേരവും പന്ത് കൈവശംവെച്ചത് സ്‌പെയ്‌നായിരുന്നു.
ജര്‍മന്‍ ഗോള്‍മുഖം ലക്ഷ്യമാക്കി സ്‌പെയ്ന്‍ നാല് ഷോട്ടുകള്‍ പായിച്ചപ്പോള്‍ സ്‌പെയ്ന്‍ ഗോള്‍ മുഖത്തേക്ക് ജര്‍മനി മൂന്ന് ഷോട്ടുകള്‍ പായിച്ചു. ഒന്നാം പകുതിയവസാനിക്കാന്‍ നിമിഷങ്ങള്‍ മാത്രം ബാക്കി അന്റോണിയോ റൂഡിഗര്‍ ജര്‍മനിക്കായി വലകുലുക്കിയെങ്കിലും റഫറി ഓഫ് സൈഡ് വിളിക്കുകയായിരുന്നു.
We’re going to see these three battling for a long, long time ⚔️
Pedri, Musiala and Gavi are ballers ✨ pic.twitter.com/X39ocvR54p
— ESPN FC (@ESPNFC) November 27, 2022
ടീം ലൈനപ്പ്(ആദ്യ ഇലവണ്‍)
സ്‌പെയ്ന്‍
സിമോണ്‍, കാര്‍വജാല്‍, റോഡ്രി, ലപ്പോര്‍ട്ടേ, ജോര്‍ഡി ആല്‍ബ, ഗാവി, ബുസ്‌ക്വെറ്റ്‌സ്, പെഡ്രി, ടോറസ്, അസെന്‍സിയോ, ഒല്‍മോ
ജര്‍മനി
ന്യൂയര്‍, സൂലെ, കെഹ്‌റര്‍, റുഡിഗര്‍, റൌം, ഗുന്ദോഗന്‍, കിമ്മിച്ച്, ഗൊറഡ്‌സ്‌ക, മുസിയാല, മുള്ളര്‍, ഗ്‌നാബ്‌റി
CONTENT HIGHLIGHT: The match between Germany and Spain, which was described as a super fight in the group stage in Qatar World Cup
