ചെന്നൈ: രജനികാന്തിന് വേണ്ടി അവസാനമായി എസ്.പി. ബാലസുബ്രഹ്മണ്യം ആലപിച്ച ഗാനം പുറത്തുവിട്ടു. സിരുത്തെ ശിവ സംവിധാനം ചെയ്യുന്ന അണ്ണാത്തെയിലെ ഗാനമാണ് പുറത്തുവിട്ടത്.
ചിത്രത്തിനായി എസ്.പി.ബി. ആലപിച്ച അണ്ണാത്തെ അണ്ണാത്തെ എന്ന് തുടങ്ങുന്ന ഡപ്പാം കൂത്ത് ഗാനമാണ് അണിയറ പ്രവര്‍ത്തകര്‍ പുറത്തുവിട്ടത്. ഡി. ഇമ്മനാണ് ചിത്രത്തിന്റെ സംഗീതം. വിവേകയാണ് ഗാനം എഴുതിയത്.
കഴിഞ്ഞ വര്‍ഷം സെപ്റ്റംബറിലായിരുന്നു എസ്.പി.ബി. കൊവിഡ് ബാധിച്ചതിനെ തുടര്‍ന്നുണ്ടായ ആരോഗ്യപ്രശ്‌നങ്ങള്‍ കാരണം അന്തരിച്ചത്. ഒരു ഗ്രാമീണ പശ്ചാത്തലത്തിലുള്ള കഥയാകും ചിത്രത്തിന്റെതെന്നാണ് സൂചന.
നയന്‍താരയാണ് ചിത്രത്തിലെ നായിക.മീന, ഖുഷ്ബു, തുടങ്ങിയവരും ചിത്രത്തില്‍ അഭിനയിക്കുന്നുണ്ട്. വെട്രി പളനിസ്വാമിയാണ് ഛായാഗ്രാഹണം.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
The last song sung by SP Balasubramaniam for Rajinikanth; The lyrical video of Annaatthe has been released