ജീപ്പ് കോംപസിന്റെ പുതിയൊരു മോഡല്‍ കൂടി വിപണിയിലെത്തി. അമേരിക്കന്‍ വാഹന ബ്രാന്‍ഡായ ജീപ്പ് ഇന്ത്യയില്‍ പുതിയ എസ്യുവി പുറത്തിറക്കിയിരിക്കുകയാണ്. ഇന്ത്യയില്‍ സൂപ്പര്‍ താരമായി മാറിയ വാഹനമാണ് ഐക്കണിക്ക്. അമേരിക്കന്‍ വാഹന ബ്രാന്‍ഡായ ജീപ്പിന്റെ കോംപസ് എസ്യുവി. ജീപ്പ് കോംപസ് നിരയിലെ പുതിയ മോഡല്‍ സ്‌പോര്‍ട്ട് പ്ലസ് ആണ് ഇന്ത്യന്‍ വിപണിയിലേക്ക് എത്തിയിരിക്കുന്നത്.
ഡൈനാമിക് സ്റ്റിയറിങ് ടോര്‍ക്ക്, റെയ്ന്‍ ബ്രേക്ക് സപ്പോര്‍ട്ട് തുടങ്ങിയ സംവിധാനങ്ങളും കോംപസ് സ്‌പോര്‍ട്ട് പ്ലസിലുണ്ട്. പെട്രോളിന് 15.99 ലക്ഷവും ഡീസല്‍ പതിപ്പിന് 16.99 ലക്ഷം രൂപയുമാണ് ദില്ലി എക്‌സ്‌ഷോറൂം വില.
സുരക്ഷയ്ക്കായി എബിഎസ്, ഇബിഡി, ഇഎസ് സി, ട്രാക്ഷന്‍ കണ്‍ട്രോള്‍, ഹില്‍ സ്റ്റാര്‍ട്ട് അസിസ്റ്റ്, ഇലക്ട്രോണിക് റോള്‍ഓവര്‍ മിറ്റിഗേഷന്‍ തുടങ്ങിയ സുരക്ഷാ സംവിധാനങ്ങള്‍ പുതിയ വാഹനത്തിലുണ്ട്.
സ്‌പോര്‍ട്ട് പ്ലസ് വാഹനത്തിന്റെ മെക്കാനിക്കല്‍ ഫിച്ചേഴ്‌സില്‍ മാറ്റമൊന്നും വരുത്തിയിട്ടില്ല. 2.0 ലിറ്റര്‍ ഫോര്‍ സിലിണ്ടര്‍ ഡീസല്‍ എന്‍ജിനിലും 1.4 ലിറ്റര്‍ ടര്‍ബോ ചാര്‍ജ്ഡ് പെട്രോള്‍ എന്‍ജിനിലും ഈ മോഡല്‍ ലഭ്യമാകും.
171 ബിഎച്ച്പി പവറും 350 എന്‍എം ടോര്‍ക്കുമേകും ഡീസല്‍ എന്‍ജിന്‍. പെട്രോള്‍ എന്‍ജിനില്‍ 160 ബിഎച്ച്പി പവറും 250 എന്‍എം ടോര്‍ക്കും ലഭിക്കും. രണ്ടിലും 6 സ്പീഡ് മാനുവലാണ് ട്രാന്‍സ്മിഷന്‍. റിയര്‍ പാര്‍ക്കിങ് സെന്‍സര്‍, 16 ഇഞ്ച് അലോയ് വീല്‍, ഡ്യുവല്‍ സോണ്‍ ക്ലൈമറ്റ് കണ്‍ട്രോള്‍,ബ്ലാക്ക് റൂഫ് റെയില്‍സ്, പിന്നിലെ സ്‌പോര്‍ട്‌സ് പ്ലസ് ബാഡ്ജ് എന്നിവയാണ് കോംപസ് സ്‌പോര്‍ട്ട് പ്ലസിലെ പ്രധാന പ്രത്യേകതകള്‍.