ഇറാനിലെ എവിന്‍ ജയിലില്‍ നിന്ന് പുറത്തിറങ്ങിയതിന് ശേഷം മാധ്യമപ്രവര്‍ത്തകരുടെ സുഹൃത്തുക്കളും കുടുംബാംഗങ്ങളും ഇരുവരെയും അഭിവാദ്യം ചെയ്യുന്ന വിഡിയോ ദൃശ്യങ്ങള്‍ സമൂഹ മാധ്യമങ്ങളില്‍ വലിയ ശ്രദ്ധ നേടിയിരുന്നു. കമ്പിളി തൊപ്പി ധരിച്ച് ഹമീദിയും ഫലസ്തീനിയന്‍ കെഫിയ ധരിച്ചുകൊണ്ട് മുഹമ്മദിയും തങ്ങളുടെ വിജയത്തിന്റെ അടയാളങ്ങള്‍ ലോകത്തോട് തുറന്നുകാണിക്കുന്നതായി ദൃശ്യങ്ങളില്‍ കാണാം.
ഹിജാബ് ധരിക്കണോ വേണ്ടയോ എന്ന് തെരഞ്ഞെടുക്കുന്നതിനുള്ള സ്ത്രീകളുടെ അവകാശത്തെ മാനിക്കുന്നതിനുപകരം ഇറാന്‍ സര്‍ക്കാര്‍ രാജ്യത്തെ സ്ത്രീകളെ ശാരീരികമായും മാനസികമായും കീഴടക്കാനാണ് ശ്രമിക്കുന്നതെന്ന് ഇറാനിലെ സെന്റര്‍ ഫോര്‍ ഹ്യൂമന്‍ റൈറ്റ്സിന്റെ ഡെപ്യൂട്ടി ഡയറക്ടര്‍ ജാസ്മിന്‍ റാംസെ അന്തരാഷ്ട്ര മാധ്യമങ്ങളോട് പറഞ്ഞു.
ശിരോവസ്ത്രം ശരിയായി ധരിച്ചില്ലെന്ന പേരില്‍ ഖുര്‍ദിഷ് വംശജയായ മഹ്സയെ പൊലീസ് അറസ്റ്റ് ചെയ്യുകയും പിന്നീട് കസ്റ്റഡിയില്‍ വെച്ച് മഹ്സ കൊല്ലപ്പെടുകയുമായിരുന്നു. അമിനിയുടെ മരണവും മരണാന്തരച്ചടങ്ങും റിപ്പോര്‍ട്ട് ചെയ്തത് ഭരണകൂടത്തിനെതിരെയുള്ള പ്രവര്‍ത്തനങ്ങള്‍ ആണെന്ന് സര്‍ക്കാര്‍ വാദിച്ചിരുന്നു. തുടര്‍ന്ന് മഹ്സ അമിനിയുടെ മരണം റിപ്പോര്‍ട്ട് ചെയ്തതിന്റെ പേരില്‍ ഹമീദിയെയും മുഹമ്മദിയെയും പൊലീസ് അറസ്റ്റ് ചെയ്യുകയും ഇറാന്‍ ജുഡീഷ്യറി ഏഴ് വര്‍ഷം തടവിന് വിധിക്കുകയും ചെയ്തു.
ഹിജാബ് വിഷയത്തിലും അമിനിയുടെ മരണത്തിലും സ്വതന്ത്ര മാധ്യമ പ്രവര്‍ത്തനവും പ്രതിബദ്ധതയും സത്യസന്ധയും പുലര്‍ത്തിയതില്‍ യു.എന്‍ പുരസ്‌ക്കരം ലഭിച്ച മാധ്യമപ്രവര്‍ത്തകരാണ് ഇരുവരും.
Content Highlight: The Iranian government has imposed more charges on the journalists convicted in Mahsa Amini’s death
