മിഷന്‍ അരിക്കൊമ്പന് പ്രതികൂലമായി ഹൈക്കോടതി വിധി; മൃഗസ്‌നേഹികള്‍ ഞങ്ങളുടെ നാട്ടില്‍ വന്ന് താമസിക്കട്ടേയെന്ന് പ്രദേശവാസികള്‍
ഡൂള്‍ന്യൂസ് ഡെസ്‌ക്
Wednesday, 29th March 2023, 9:10 pm
തൊടുപുഴ: ഇടുക്കിയില്‍ ജനങ്ങളെ ദുരിതത്തിലാക്കുന്ന അരിക്കൊമ്പന് എന്ന ആനയെ പിടികൂടാന്‍ അനുമതിയില്ലെന്ന് കേരള ഹൈക്കോടതിയുടെ ഇടക്കാല ഉത്തരവ്.
ആനയെ പിടികൂടി റേഡിയോ കോളര്‍ ഘടിപ്പിച്ച് വിടാനാണ് ഹൈക്കോടതിയുടെ നിര്‍ദേശം.
അരിക്കൊമ്പന്റെ സഞ്ചാരം മൂലം പ്രയാസം നേരിടുന്ന 301 കോളനിയിലുള്ളവരെ മാറ്റിപ്പാര്‍പ്പിക്കുന്നതാണ് ശാശ്വത പരിഹാരമെന്ന് കോടതി പറഞ്ഞു. ആനയുടെ ആവാസമേഖലയിലേക്ക് ആദിവാസികളെ എങ്ങനെ മാറ്റിപ്പാര്‍പ്പിച്ചുവെന്നും കോടതി ചോദിച്ചു.
ഹൈക്കോടതി നിലപാടില്‍ വലിയ പ്രതിഷേധമാണ് ഇടുക്കി മേഖലയിലുള്ള പ്രദേശവാസികള്‍ക്കുള്ളത്. തങ്ങളുടെ ജീവിതം പോലും അപകടത്തിലാകുന്ന സാഹചര്യത്തില്‍ മൃഗസ്‌നേഹം പറയുന്നവര്‍ തങ്ങളുടെ നാട്ടില്‍ വന്ന് താമസിക്കട്ടേയെന്ന് പ്രദേശവാസികള്‍ മാധ്യമങ്ങളോട് പറഞ്ഞത്. ഹൈക്കോടതി വിധിക്ക് ശേഷം വൈകാരികമായിട്ടാണ് ഇവര്‍ മാധ്യമങ്ങളോട് പ്രതികരിച്ചത്.
