സഞ്ജുവും ദേവ്ദത്ത് പടിക്കലും ടീമില്‍; ശ്രീലങ്കന്‍ പര്യടനത്തില്‍ ശിഖര്‍ ധവാന്‍ ടീം ഇന്ത്യയെ നയിക്കും
സ്പോര്‍ട്സ് ഡെസ്‌ക്
Thursday, 10th June 2021, 11:51 pm
മുംബൈ: ജൂലൈ 13 മുതല്‍ നടക്കുന്ന ശ്രീലങ്കന്‍ പര്യടനത്തിനുള്ള ഇന്ത്യന്‍ ക്രിക്കറ്റ് ടീമിനെ പ്രഖ്യാപിച്ചു. മൂന്ന് ഏകദിനങ്ങളും മൂന്ന് ടി 20യുമാണ് പര്യടനത്തിലുള്ളത്. സീനിയര്‍ താരങ്ങള്‍ക്ക് വിശ്രമം അനുവദിച്ചതോടെ ശിഖര്‍ ധവാനാണ് ശ്രീലങ്കയില്‍ ഇന്ത്യയെ നയിക്കുക. പേസര്‍
ഭുവനേശ്വര്‍ കുമാറാണ് വൈസ് ക്യാപ്റ്റന്‍.
മലയാളി താരം സഞ്ജു സാംസണ്‍ വീണ്ടും ഇന്ത്യന്‍ ടീമിലെത്തിയിട്ടുണ്ട്. ഐ.പി.എല്ലിലെ മികച്ച പ്രകടനമാണ് സഞ്ജുവിനെ ടീമിലെത്തിച്ചത്. സഞ്ജുവിനൊപ്പം ഇഷാന്‍ കിഷനും വിക്കറ്റ് കീപ്പറായി ടീമിലിടം നേടിയിട്ടുണ്ട്.
കര്‍ണാടകയുടെ മലയാളി താരം ദേവ്ദത്ത് പടിക്കലും 25 അംഗ ടീമില്‍ ഇടംപിടിച്ചു. ഈ ഐ.പി.എല്ലില്‍ തിളങ്ങിയ ചേതന്‍ സക്കറിയ, റിതുരാജ് ഗെയ്ക്വാദ്, സൂര്യകുമാര്‍ യാദവ്, ക്രുനാല്‍ പാണ്ഡ്യ, ഹര്‍ദ്ദിക് പാണ്ഡ്യ എന്നിവരും ടീമിലെത്തിയിട്ടുണ്ട്.
