ഭക്തി വിട്ട് ഇനി കുറച്ച് റൊമാന്‍സാവാം; അപര്‍ണ ബാലമുരളിയും ഉണ്ണി മുകുന്ദനും ഒന്നിക്കുന്ന മിണ്ടിയും പറഞ്ഞും; ആദ്യഗാനം പുറത്ത്
എന്റര്‍ടെയിന്‍മെന്റ് ഡെസ്‌ക്
Thursday, 5th January 2023, 7:11 pm
ഉണ്ണി മുകുന്ദന്‍, അപര്‍ണ ബാലമുരളി എന്നിവര്‍ ആദ്യമായി ഒന്നിക്കുന്ന മിണ്ടിയും പറഞ്ഞും എന്ന ചിത്രത്തിലെ ആദ്യഗാനം പുറത്ത്. നീയേ നെഞ്ചില്‍ എന്ന പാട്ടിന്റെ വീഡിയോ ആണ് പുറത്തിറങ്ങിയിരിക്കുന്നത്. മഴ പെയ്യുന്ന രാത്രിയില്‍ ചോരുന്ന വീട്ടിലെ കഷ്ടപ്പാടിനിടയിലും സന്തോഷം കണ്ടെത്തുന്ന രണ്ട് യുവ മിഥുനങ്ങളെയാണ് ഗാനരംഗങ്ങളില്‍ കാണുന്നത്.
നീയേ നെഞ്ചില്‍ എന്നാരംഭിക്കുന്ന ഗാനത്തിന് വരികള്‍ എഴുതിയിരിക്കുന്നത് സുജേഷ് ഹരിയാണ്. സൂരജ് എസ്. കുറുപ്പ് ആണ് സംഗീതം പകര്‍ന്നിരിക്കുന്നത്. മൃദുല വാര്യര്‍ക്കൊപ്പം ഗാനം ആലപിച്ചിരിക്കുന്നതും സൂരജ് ആണ്. ജാഫര്‍ ഇടുക്കി, ജൂഡ് ആന്റണി ജോസഫ്, മാല പാര്‍വ്വതി, ഗീതി സംഗീത, സോഹന്‍ സീനുലാല്‍, ആര്‍. ജെ. മുരുകന്‍, പ്രശാന്ത് മുരളി, ആതിര സുരേഷ്, ആര്‍. ജെ. വിജിത, ശിവ ഹരിഹരന്‍ തുടങ്ങിയവര്‍ മറ്റു കഥാപാത്രങ്ങളെ അവതരിപ്പിക്കുന്നു.
