'യോഗിയോട് കടപ്പെട്ടിരിക്കുന്നു'; പൗരത്വ നിയമം പിന്‍വലിക്കുന്നത് വരെ പ്രതിഷേധം തുടരുമെന്ന് സദാഫ് ജാഫര്‍
ഡൂള്‍ന്യൂസ് ഡെസ്‌ക്
Tuesday, 7th January 2020, 12:30 pm
ന്യൂദല്‍ഹി: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന് രൂക്ഷമായ ഭാഷയില്‍ മറുപടിയുമായി കോണ്‍ഗ്രസ് നേതാവും സാമൂഹിക പ്രവര്‍ത്തകയുമായ സദാഫ് ജാഫര്‍. പൗരത്വഭേദഗതി നിയമത്തിനെതിരെ പ്രതിഷേധിച്ചതില്‍ അറസ്റ്റിലായി ജയില്‍ മോചിതയായതിന് പിന്നാലെയായിരുന്നു സദാഫ് ജാഫറിന്റെ പ്രതികരണം. ഭയം നഷ്ടപ്പെട്ടുവെന്നും മനുഷ്യത്വ രഹിതമായ ഈ നിയമം പിന്‍വലിക്കുന്നത് വരെ പ്രതിഷേധം തുടരുമെന്നും സദാഫ് വ്യക്തമാക്കി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘ജയിലിടക്കപ്പെടുമെന്നോ തല്ലിചതക്കുമെന്നോ ഉള്ള ഭയം ഇപ്പോള്‍ ഇല്ല. അത് പോയി. അതിന് യോഗിയോട് കടപ്പെട്ടിരിക്കുന്നു. മനുഷ്യരഹിതമായ ഈ നിയമം പിന്‍വലിക്കുന്നത് വരെ പ്രതിഷേധം തുടരും.’ സദാഫ് ജാഫര്‍ പറഞ്ഞു.
