അന്ന് ഒരു ക്യൂരിയോസിറ്റി തോന്നി, 2016ല്‍ എഴുതിയ ക്ലൈമാക്‌സല്ല ഷൂട്ട് ചെയ്തത്: മുഹ്‌സിന്‍ പരാരി
എന്റര്‍ടെയിന്‍മെന്റ് ഡെസ്‌ക്
Sunday, 18th September 2022, 6:39 pm
2022ല്‍ ഇറങ്ങിയതില്‍ ഏറ്റവും വലിയ വിജയം നേടിയ ചിത്രങ്ങളിലൊന്നാണ് ടൊവിനോ തോമസിന്റെ തല്ലുമാല. പല തവണ റീറൈറ്റ് ചെയതാണ് തല്ലുമാല ഈ നിലയിലെത്തിയതെന്ന് തിരക്കഥാകൃത്ത് മുഹ്‌സിന്‍ പരാരി പറയുന്നു. ഷൂട്ട് ചെയ്ത തീര്‍ത്താലേ പറ്റുകയുള്ളുവെന്നുള്ളത് കൊണ്ട് താന്‍ റീറൈറ്റ് ചെയ്യുന്നത് നിര്‍ത്തിയതാണെന്നും ജിഞ്ചര്‍ മീഡിയ എന്റര്‍ടെയ്ന്‍മെന്റിന് നല്‍കിയ അഭിമുഖത്തില്‍ പരാരി പറഞ്ഞു.
‘ചിലര്‍ പറയുന്നു 2015ലാണ് തല്ലുമാല എഴുതിയതെന്ന്. ചിലര്‍ പറയുന്നു 2016ലാണ് തല്ലുമാല എഴുതിയതെന്ന്. ടൊവിനോ തോമസ് പറയുന്നത് 2017ലാണെന്നാണ്. റീറൈറ്റിങ് മാത്രമേ ഞാന്‍ ഇതില്‍ ചെയ്തിട്ടുള്ളൂ. ഷൂട്ടിന് ശേഷവും പല രീതിയിലാക്കുന്നതിനെ പറ്റി ഞങ്ങള്‍ ഡിസ്‌കസ് ചെയ്തിട്ടുണ്ട്. പിന്നെ ഇത് ഷൂട്ട് ചെയ്ത തീര്‍ത്താലേ പറ്റുകയുള്ളുവെന്നുള്ളത് കൊണ്ട് ഞാന്‍ റീറൈറ്റ് ചെയ്യുന്നത് നിര്‍ത്തി.
