ജിൻസി വി ഡേവിഡ് Just now
കഴിഞ്ഞ ദിവസം ഏഷ്യാ കപ്പില്‍ പാകിസ്ഥാനെ പരാജയപ്പെടുത്തി ശ്രീലങ്ക തങ്ങളുടെ ആറാം ഏഷ്യാ കപ്പ് കിരീടം കൊളംബോയിലെത്തിച്ചിരുന്നു. ദുബായ് അന്താരാഷ്ട്ര സ്റ്റേഡിയത്തില്‍ നടന്ന മത്സരത്തില്‍ 23 റണ്‍സിന് പാക് നിരയെ തോല്‍പിച്ചായിരുന്നു ലങ്ക ആറാം കിരീടത്തില്‍ മുത്തമിട്ടത്.
ഭാനുക രജപക്സെയായിരുന്നു ശ്രീലങ്കയുടെ മാച്ച് വിന്നര്‍. ബാറ്റിങ്ങില്‍ മികച്ച പ്രകടനം പുറത്തെടുത്ത രജപക്‌സെയുടെ പ്രകടനമാണ് പാകിസ്ഥാനെ പരാജയപ്പെടുത്തിയത്. 45 പന്തില്‍ നിന്നും 71 റണ്‍സാണ് താരം സ്വന്തമാക്കിയത്.
ആറാം വിക്കറ്റില്‍ വാനിന്ദു ഹസരങ്കക്കൊപ്പവും ഏഴാം വിക്കറ്റില്‍ കരുണരത്‌നക്കൊപ്പവും മികച്ച കൂട്ടുകെട്ടുണ്ടാക്കിയാണ് രജപക്സെ ലങ്കന്‍ ഇന്നിങ്‌സിന് അടിത്തറയിട്ടത്.
ഒരുപക്ഷേ പാകിസ്ഥാന് ഫീല്‍ഡിങ്ങില്‍ വരുത്തിയ പിഴവ് ഇല്ലായിരുന്നുവെങ്കില്‍ ബാബര്‍ അസമായിരുന്നു കിരീടമുയര്‍ത്തേണ്ടിയിരുന്നത്. ഫീല്‍ഡിങ്ങില്‍ വരുത്തിയ പിഴവുകളായിരുന്നു പാകിസ്ഥാന് വിനയായത്. അത് അടിവരയിടുന്നതായിരുന്നു രജപക്‌സെയുടെ ക്യാച്ച് മിസ്സാക്കിയ പാക് ഫീല്‍ഡര്‍മാരുടെ മണ്ടത്തരം.
രജപക്സെ 54ല്‍ നില്‍ക്കവെ പുറത്താക്കാനുള്ള സുവര്‍ണാവസരമായിരുന്നു പാക് ഫീല്‍ഡര്‍മാര്‍ തുലച്ചുകളഞ്ഞത്. പേസര്‍ ഹസ്‌നെയ്‌ന്റെ പന്തില്‍ സിക്‌സറിന് ശ്രമിച്ച രജപക്‌സെക്ക് പിഴച്ചു. ഡീപ്പ് മിഡ് വിക്കറ്റില്‍ ആസിഫ് അലിയുടെ കൈകളില്‍ വിശ്രമിക്കേണ്ടിയിരുന്ന പന്താണ് ഫീല്‍ഡിങ്ങിലെ അബദ്ധം കാരണം സിക്‌സറായത്.
ये छक्का क्रिकेट इतिहास में हमेशा याद रखा जाएगा. pic.twitter.com/yunCTCBufY
— उम्दा_पंक्तियां (@umda_panktiyan) September 11, 2022
ആസിഫ് ക്യാച്ചെടുക്കവെ ഓടിയെത്തിയ ഷദാബ് ഖാന് താരവുമായി കൂട്ടിയിടിക്കുകയും പന്ത് ബൗണ്ടറി കടന്ന് സിക്‌സറാവുകയുമായിരുന്നു.
കൂട്ടിയിടി അല്‍പം അപകടകരവുമായിരുന്നു. ആസിഫിന്റെ കൈമുട്ടില്‍ തലയിടിച്ച ഷദാബ് ഖാന് ചികിത്സ നല്‍കേണ്ടതായും വന്നിരുന്നു.
ഫൈനലില്‍ ആദ്യം ബാറ്റ് ചെയ്ത ലങ്ക 170 റണ്‍സായിരുന്നു സ്വന്തമാക്കിയത്. ഒരുഘട്ടത്തില്‍ അഞ്ച് വിക്കറ്റിന് 58 റണ്‍സ് എന്ന നിലയില്‍ കൂപ്പുകുത്തിയ ലങ്കയെ മത്സരത്തിലേക്ക് തിരികെയെത്തിച്ചത് രജപക്സെയായിരുന്നു.
45 പന്തില്‍ നിന്നും ആറ് ഫോറും മൂന്ന് സിക്സറും സഹിതം 71 റണ്‍സാണ് രജപക്സെ സ്വന്തമാക്കിയത്. മുന്‍നിര ബാറ്റര്‍മാരെല്ലാം പരാജയപ്പെട്ടപ്പോള്‍ വാനിന്ദു ഹസരങ്കയെ കൂട്ടുപിടിച്ച് ആറാം വിക്കറ്റിലും കരുണരത്നയെ കൂട്ടുപിടിച്ച് ഏഴാം വിക്കറ്റിലും റണ്‍സ് ഉയര്‍ത്തി.
രജപക്സെ അടിത്തറയിട്ട പാര്‍ട്ണര്‍ഷിപ്പില്‍, ആറാം വിക്കറ്റില്‍ നേടിയ 58 റണ്‍സും ഏഴാം വിക്കറ്റില്‍ ചേര്‍ത്ത 54 റണ്‍സുമാണ് ലങ്കന്‍ വിജയത്തിന് നിദാനമായത്.
മറുപടി ബാറ്റിങ്ങിനിറങ്ങിയ പാകിസ്ഥാന് 20 ഓവറില്‍ 147ന് ഓള്‍ ഔട്ടായതോടെയാണ് തങ്ങളുടെ മൂന്നാം കിരീടം എന്ന മോഹം അടിയറ വെക്കേണ്ടി വന്നത്.
Content highlight: The catch turns to sixer for Sri Lanka as the Pakistan fielders collide
