'മുസ്‌ലിങ്ങള്‍ക്ക് ക്ഷേത്രപ്പറമ്പില്‍ പ്രവേശനമില്ല'; ബോര്‍ഡ് ഈ വര്‍ഷം മുതല്‍ വേണ്ടന്ന് ക്ഷേത്ര കമ്മിറ്റി
ഡൂള്‍ന്യൂസ് ഡെസ്‌ക്
Tuesday, 14th February 2023, 8:58 am
കണ്ണൂര്‍: പയ്യന്നൂര്‍ കുഞ്ഞിമംഗലത്തെ ഉത്സവത്തിന് ഇസ്‌ലാം മതത്തില്‍പ്പെട്ടവര്‍ക്ക് പ്രവേശനമില്ലെന്ന് ബോര്‍ഡ് കഴിഞ്ഞ വര്‍ഷം വാര്‍ത്തയായതോടെ വലിയ വിവാദങ്ങള്‍ക്ക് കാരണമായിരുന്നു.
‘ഉത്സവകാലങ്ങളില്‍ മുസ്‌ലിങ്ങള്‍ക്ക് ക്ഷേത്രപ്പറമ്പില്‍ പ്രവേശനമില്ല’ എന്നാണ് ബോര്‍ഡിലുണ്ടായിരുന്നത്. ക്ഷേത്രത്തിലെ ആരാധനാ കര്‍മങ്ങള്‍ക്ക് നേതൃത്വം നല്‍കുന്ന നാലൂര് സമുദായിമാരുടെ പേരിലാണ് ബോര്‍ഡ് പ്രത്യക്ഷപ്പെട്ടിരുന്നത്.
ക്ഷേത്ര വളപ്പില്‍ പ്രത്യക്ഷപ്പെട്ട ബോര്‍ഡിനെതിരെ പ്രതിഷേധമറിയിച്ച് ഡി.വൈ.എഫ്.ഐ. അടക്കമുള്ള സംഘടനകള്‍ രംഗത്തെത്തിയിരുന്നു. എന്നാല്‍ ഇനി മുതല്‍ ഇങ്ങനെയൊരു ബോര്‍ഡ് സ്ഥാപിക്കേണ്ടതില്ലെന്ന് തീരുമാനമെടുത്തിരിക്കുകയാണ് ക്ഷേത്ര കമ്മിറ്റി. ഈ വര്‍ഷം മുതല്‍ ബോര്‍ഡ് വേണ്ടെന്ന് ക്ഷേത്ര കമ്മിറ്റി തീരുമാനമെടുത്തു.
