ആഷസ് പരമ്പരയിലെ ആദ്യ ടെസ്റ്റില്‍ ഇംഗ്ലണ്ടിനെതിരെ ഓസ്‌ട്രേലിയക്ക് ആവേശകരമായ വിജയം കുറിക്കാനായിരുന്നു.
അവസാന ദിനം ഒരു ട്വന്റി20 മത്സരത്തിലെ പ്രതീതിയുളവാക്കിയ മത്സരത്തില്‍ രണ്ട് വിക്കറ്റിനാണ് ഓസ്‌ട്രേലിയ
ത്രസിപ്പിക്കുന്ന ജയം നേടിയത്. രണ്ടാം ഇന്നിങ്‌സില്‍ 281 റണ്‍സ് ലക്ഷ്യവുമായി ബാറ്റിങ്ങിനിറങ്ങിയ ഓസീസ് 92.3 ഓവറില്‍ 8 വിക്കറ്റ് നഷ്ടത്തില്‍ വിജയത്തിലെത്തുകയായിരുന്നു.
മത്സരത്തിന്റെ ആവേശത്തെക്കുറിച്ചുള്ള ചര്‍ച്ചകള്‍ക്കിടയില്‍ ഇരു ടീമുകള്‍ക്കും കനത്ത പിഴ ചുമത്തിയിരിക്കുകയാണിപ്പോള്‍ ഐ.സി.സി. കുറഞ്ഞ ഓവര്‍ നിരക്കിന്റെ പേരിലാണ് പിഴ.
All 22 players were docked 40% of their match fees. 😬#BBCCricket #Ashes pic.twitter.com/MlS0FJwoM6
— Test Match Special (@bbctms) June 21, 2023
ഇംഗ്ലണ്ടിന്റെയും ഓസ്‌ട്രേലിയയുടെയും മുഴുവന്‍ കളിക്കാരും മാച്ച് ഫീയുടെ 40 ശതമാനം പിഴ അടക്കണം. ഇതുകൂടാതെ ഐ.സി.സി ലോക ടെസ്റ്റ് ചാമ്പ്യന്‍ഷിപ്പില്‍ ഇരു ടീമുകളുടെയും രണ്ട് പോയിന്റ് വെട്ടിക്കുറക്കുകയും ചെയ്തിട്ടുണ്ട്.
ഐ.സി.സി മാച്ച് റഫറി ആന്‍ഡി പൈക്രോഫ്റ്റാണ് പിഴ വിധിച്ചത്.
Pat Cummins ranks this year’s Edgbaston epic as the best Test win he’s been part of 🙌#ENGvAUS | #Ashes pic.twitter.com/Lqyg0S2KQy
— ESPNcricinfo (@ESPNcricinfo) June 20, 2023
