കൃഷ്ണ പിള്ള സ്മാരകം തകര്‍ത്ത കേസ്: വി.എസിന്റെ മുന്‍ പേഴ്‌സണല്‍ സ്റ്റാഫ് അടക്കം 5 പേരെ വെറുതെ വിട്ടു
ഡൂള്‍ന്യൂസ് ഡെസ്‌ക്
Thursday, 30th July 2020, 12:04 pm
ആലപ്പുഴ: കൃഷ്ണ പിള്ള സ്മാരകം തകര്‍ത്ത കേസിലെ പ്രതികളെ വെറുതെ വിട്ടു. വി.എസിന്റെ മുന്‍ പേഴ്‌സണല്‍ സ്റ്റാഫ് അടക്കം 5 പേരെയാണ് വെറുതെ വിട്ടത്.
തെളിവുകളുടെ അഭാവത്തിലാണ് ഇവരെ വെറുതെ വിട്ടിരിക്കുന്നത്. ആലപ്പുഴ ജില്ലാ പ്രിന്‍സിപ്പല്‍ കോടതിയുടേതാണ് വിധി. പ്രതികള്‍ക്കെതിരെ തെളിവുകളില്ലെന്ന് കോടതി പറഞ്ഞു. സത്യത്തിന്റെ വിജയമെന്ന് കുറ്റവിമുക്തരായവര്‍ പ്രതികരിച്ചു.
കഴിഞ്ഞ യു.ഡി.എഫ് സര്‍ക്കാരിന്റെ കാലത്ത് ആഭ്യന്തര മന്ത്രിയായിരുന്ന രമേശ് ചെന്നിത്തലയും ക്രൈംബ്രാഞ്ചും നടത്തിയ കള്ളക്കളികള്‍ ഓരോന്നും പൊളിഞ്ഞു വീഴുന്നതാണ് വിചാരണ തുടങ്ങിയ നാള്‍ മുതല്‍ കാണാന്‍ തുടങ്ങിയതെന്നും അതിന്റെ അവാസാനമായിരുന്നു ഇന്നത്തെ വിധിയെന്നും കുറ്റവിമുക്തര്‍ പറഞ്ഞു.
