'ഒരുപാടു നന്ദി'; ജിതിന്‍ പ്രസാദ ബി.ജെ.പിയില്‍ ചേര്‍ന്നതില്‍ ഛത്തീസ്ഗഢ് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Wednesday, 9th June 2021, 3:03 pm
ന്യൂദല്‍ഹി: കോണ്‍ഗ്രസ് വിട്ടു ബി.ജെ.പിയില്‍ ചേര്‍ന്ന ജിതിന്‍ പ്രസാദയ്ക്കു നന്ദി അറിയിച്ച് ഛത്തീസ്ഗഢ് കോണ്‍ഗ്രസ്. ട്വിറ്ററിലൂടെയാണ് ഐ.എന്‍.സി. ഛത്തീസ്ഗഢ് പ്രതികരണവുമായി രംഗത്തെത്തിയത്.
‘കോണ്‍ഗ്രസ് പാര്‍ട്ടി വിട്ട് ബി.ജെ.പിയില്‍ ചേര്‍ന്നതിനു ജിതിന്‍ പ്രസാദ ജിയ്ക്ക് ഒരുപാടു നന്ദി’ എന്നാണ് ഛത്തീസ്ഗഢ് കോണ്‍ഗ്രസ് ട്വീറ്റ് ചെയ്തത്.
മുന്‍ കേന്ദ്രമന്ത്രിയായിരുന്ന ജിതിന്‍ പ്രസാദ ബുധനാഴ്ചയാണു ബി.ജെ.പി അംഗത്വം എടുത്തത്. പാര്‍ട്ടിയില്‍ ചേരുന്നതിനു മുമ്പായി ജിതിന്‍ കേന്ദ്ര ആഭ്യന്തര മന്ത്രി അമിത്ഷായെ സന്ദര്‍ശിക്കുകയും ചെയ്തിരുന്നു.
ബംഗാളിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറിയായിരുന്നു ഇദ്ദേഹം. രാജ്യത്തെ ഒരേയൊരു ദേശീയ പാര്‍ട്ടി ബി.ജെ.പിയാണെന്നാണ് അംഗത്വം സ്വീകരിച്ചു കൊണ്ട് ജിതിന്‍പ്രസാദ പറഞ്ഞത്.
