കോഴിക്കോട്: അതിജീവനം എന്ന കൂട്ടായ്മയുടെ മുഖ്യ സംഘാടകനായിരുന്ന അന്തരിച്ച നന്ദു മഹാദേവയ്ക്ക് ആദരാഞ്ജലി അര്‍പ്പിച്ച് നടി മഞ്ജു വാര്യര്‍.
കേരളകാന്‍ ക്യാമ്പയിന്റെ സമയത്ത് താങ്കളോടൊപ്പം സമയം ചിലവഴിക്കാന്‍ സാധിച്ചതില്‍ അഭിമാനം തോന്നുന്നെന്നും താനടക്കമുള്ള പലര്‍ക്കും പ്രോചോദനമായ നന്ദുവിന് നന്ദിയെന്നും മഞ്ജു വാര്യര്‍ ഫേസ്ബുക്കില്‍ കുറിച്ചു
ക്യാന്‍സര്‍ രോഗം ബാധിച്ച് ചികിത്സയിലായിരുന്ന നന്ദു മഹാദേവ ഇന്ന് പുലര്‍ച്ചെ 3. 30 നാണ് അന്തരിച്ചത്. കോഴിക്കോട് എം.വി.ആര്‍ ക്യാന്‍സര്‍ സെന്ററില്‍ ചികിത്സയിലായിരുന്നു അദ്ദേഹം. 27 കാരനായ നന്ദു തിരുവനന്തപുരം ഭരതന്നൂര്‍ സ്വദേശിയാണ്.
അതിജീവനം എന്ന കൂട്ടായ്മയുടെ മുഖ്യ സംഘാടകനായിരുന്നു നന്ദു. ക്യാന്‍സര്‍ ബാധിച്ച ശേഷം സോഷ്യല്‍ മീഡിയയില്‍ നന്ദു നടത്തിയ ഇടപെടലുകള്‍ ശ്രദ്ധേയമായിരുന്നു.
ഗുരുതരരോഗം ബാധിച്ചിട്ടും അസാമാന്യധൈര്യം കാണിച്ച് സുഹൃത്തുക്കള്‍ക്കൊപ്പം ഉല്ലാസയാത്ര നടത്താറുള്ള നന്ദുവിന് സോഷ്യല്‍ മീഡിയയില്‍ വലിയ പിന്തുണയാണ് ലഭിച്ചിരുന്നത്.
രോഗത്തെ ചിരിയോടെ നേരിട്ട് ക്യാന്‍സറിനെതിരായ പോരാട്ടത്തില്‍ നിരവധി പേര്‍ക്ക് പ്രചോദനമായാണ് നന്ദുവിന്റെ മടക്കം. ജീവിതത്തിന്റെ ഓരോ ഘട്ടവും നന്ദു സോഷ്യല്‍ മീഡിയയിലൂടെ അറിയിച്ചിരുന്നു. അവസാന ദിവസങ്ങളില്‍ നന്ദുവിന്റെ ശ്വാസകോശത്തെയും ക്യാന്‍സര്‍ ബാധിച്ചിരുന്നു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Thank you for inspiring many including me Manju warrier on Nadus Death