ഞാനടക്കമുള്ള പലര്‍ക്കും നിങ്ങള്‍ പ്രചോദനമായി; നന്ദുവിന് ആദരാഞ്ജലി അര്‍പ്പിച്ച് മഞ്ജു വാര്യര്‍
എന്റര്‍ടെയിന്‍മെന്റ് ഡെസ്‌ക്
Saturday, 15th May 2021, 11:50 am
കോഴിക്കോട്: അതിജീവനം എന്ന കൂട്ടായ്മയുടെ മുഖ്യ സംഘാടകനായിരുന്ന അന്തരിച്ച നന്ദു മഹാദേവയ്ക്ക് ആദരാഞ്ജലി അര്‍പ്പിച്ച് നടി മഞ്ജു വാര്യര്‍.
കേരളകാന്‍ ക്യാമ്പയിന്റെ സമയത്ത് താങ്കളോടൊപ്പം സമയം ചിലവഴിക്കാന്‍ സാധിച്ചതില്‍ അഭിമാനം തോന്നുന്നെന്നും താനടക്കമുള്ള പലര്‍ക്കും പ്രോചോദനമായ നന്ദുവിന് നന്ദിയെന്നും മഞ്ജു വാര്യര്‍ ഫേസ്ബുക്കില്‍ കുറിച്ചു
ക്യാന്‍സര്‍ രോഗം ബാധിച്ച് ചികിത്സയിലായിരുന്ന നന്ദു മഹാദേവ ഇന്ന് പുലര്‍ച്ചെ 3. 30 നാണ് അന്തരിച്ചത്. കോഴിക്കോട് എം.വി.ആര്‍ ക്യാന്‍സര്‍ സെന്ററില്‍ ചികിത്സയിലായിരുന്നു അദ്ദേഹം. 27 കാരനായ നന്ദു തിരുവനന്തപുരം ഭരതന്നൂര്‍ സ്വദേശിയാണ്.
