[]ചെന്നൈ: കാത്തിരിപ്പിനൊടുവില്‍ വിജയ്‌യുടെ തലൈവ തമിഴ്‌നാട്ടില്‍ പുറത്തിറങ്ങുന്നു. ഓഗസ്റ്റ് 20ന് തലൈവ തമിഴ്‌നാട്ടില്‍ എത്തും. ഇന്ത്യയില്‍ എല്ലായിടത്തും ചിത്രം റിലീസ് ചെയ്തിരുന്നെങ്കിലും തമിഴ്‌നാട്ടില്‍ ചിത്രം റിലീസ് ചെയ്തിരുന്നില്ല.[]
തലൈവ തമിഴ്‌നാട്ടില്‍ റിലീസ് ചെയ്യുന്നതിനായി നിരാഹാരമിരിക്കാന്‍ തയ്യാറാണെന്ന് ചിത്രത്തിലെ നായകന്‍ വിജയ് പറഞ്ഞതിന് പിന്നാലെയാണ് സിനിമയുടെ റിലീസിങ് ഡേറ്റ് തീരുമാനിച്ചത്.
ചിത്രത്തിന്റെ റിലീസ് വൈകുന്നതിനെ തുടര്‍ന്ന് തീരുമാനമുണ്ടാക്കണമെന്നാവശ്യപ്പെട്ട് തമിഴ്‌നാട് മുഖ്യമന്ത്രി ജയലളിതയെ കാണണമെന്നാവശ്യപ്പെട്ടിരുന്നു. 70 കോടി മുതല്‍മുടക്കില്‍ നിര്‍മിച്ച ചിത്രം തമിഴ്‌നാടില്‍ റിലീസ് ചെയ്യാതിരുന്നത് കനത്ത സാമ്പത്തിക നഷ്ടമാണ് ചിത്രത്തിന് ഉണ്ടാക്കിയത്.
തലൈവ പ്രദര്‍ശിപ്പിക്കാത്തതില്‍ മനം നൊന്ത് വിജയ്‌യുടെ ആരാധകന്‍ ജീവനൊടുക്കുകയും ചെയ്തിരുന്നു.