കര്‍ഷകരെ തല്ലിച്ചതച്ച് വിളഭൂമി നികത്തി യു.പി സര്‍ക്കാര്‍; റെയില്‍വേ ട്രാക്ക് നിര്‍മാണത്തിനായി കര്‍ഷകരുടെ പാടം നികത്തിയ സര്‍ക്കാര്‍ നടപടിക്കെതിരെ പ്രിയങ്ക
ഡൂള്‍ന്യൂസ് ഡെസ്‌ക്
Monday, 2nd March 2020, 2:01 pm
ലക്‌നൗ: ഉത്തര്‍പ്രദേശിലെ മിര്‍സാപൂരില്‍ കൃഷിഭൂമി നികത്തി റെയില്‍വേ ട്രാക്ക് പണിയാനുള്ള സര്‍ക്കാര്‍ നീക്കത്തെ വിമര്‍ശിച്ച് കോണ്‍ഗ്രസ് നേതാവ് പ്രിയങ്കാ ഗാന്ധി.
ഞായറാഴ്ച കര്‍ഷകരും പൊലീസും തമ്മില്‍ സംഘര്‍ഷം നടന്നിരുന്നു.
റെയില്‍വേ ട്രാക്ക് നിര്‍മ്മിക്കുന്നതിന്റെ ഭാഗമായി മിര്‍സാപൂരിലെ കൃഷിഭൂമി നികത്താനായി അധികൃതര്‍ പൊലീസുമായി എത്തി ജെ.സി.ബി ഉപയോഗിച്ച് പാടം നികത്തിയിരുന്നു. ഇതു തടയാന്‍ ശ്രമിച്ച കര്‍ഷകര്‍ക്കു നേരെ പൊലീസ് ലാത്തിചാര്‍ജ് നടത്തുകയും ചെയ്തു. സംഭവത്തിന്റെ വീഡിയോ സോഷ്യല്‍ മീഡിയയില്‍ വ്യപകമായി പ്രചരിച്ചിരുന്നു.
