സൂപ്പര്‍ ഹിറ്റ് ചിത്രം രാഞ്ജന ടീം വീണ്ടും ഒന്നിക്കുന്നു. സംവിധായകന്‍ ആനന്ദ് എല്‍. റായിയും ധനുഷും എ.ആര്‍. റഹ്‌മാനും വീണ്ടും ഒന്നിക്കുന്ന ചിത്രത്തിന് തേരേ ഇഷ്‌ക് മേം എന്നാണ് പേര്. ടൈറ്റില്‍ അനൗണ്‍സ്‌മെന്റ് വീഡിയോ സോഷ്യല്‍ മീഡിയയില്‍ ശ്രദ്ധ നേടുകയാണ്.
ഇരുട്ടില്‍ നിന്നും പെട്രോള്‍ ബോംബുമായി ഓടിവരുന്ന ധനുഷിനെയാണ് വീഡിയോയുടെ തുടക്കത്തില്‍ കാണുന്നത്. പശ്ചാത്തലത്തില്‍ ധനുഷ് സംസാരിക്കുന്നതും കേള്‍ക്കാം. ‘നിന്റെ കയ്യിലെ മൈലാഞ്ചി എനിക്ക് എപ്പോഴും മുറിവാണ്, നിന്റെ നെറ്റിയിലെ പൊട്ട് എന്റെ വിധിയെ തകര്‍ക്കുന്നു, നിന്റെ സിന്ദൂരം എപ്പോഴും എന്റെ ശ്വാസം നിര്‍ത്താനായി ഉപയോഗിക്കുകയാണോ? നിഷ്‌കളങ്കനായ കുന്ദന്‍ പെട്ടെന്ന് പതറിപോകും, എന്നാല്‍ ഇപ്രാവശ്യം ശങ്കറിനെ നീ എങ്ങനെ പിടിച്ചുനിര്‍ത്തും?,’ എന്ന് പറഞ്ഞ് ‘ഫ്രം ദി വേള്‍ഡ് ഓഫ് രാഞ്ജന’ എന്നെഴുതിയ ചുമരിലേക്ക് ധനുഷ് പെട്രോള്‍ ബോംബ് എറിയുകയാണ്.
