വല്ലാതെ തളര്‍ന്നുപോയി, ഇങ്ങനെ സംഭവിക്കുമെന്ന് ഒരിക്കലും കരുതിയില്ല, എന്റെ കുടുംബം വരെ സങ്കടത്തിലായി; ദക്ഷിണാഫ്രിക്കന്‍ നായകന്‍
സ്പോര്‍ട്സ് ഡെസ്‌ക്
Thursday, 22nd September 2022, 9:18 pm
ദക്ഷിണാഫ്രിക്കന്‍ ടി-20 ലീഗ് ലേലത്തില്‍ ദക്ഷിണാഫ്രിക്കന്‍ ക്യാപ്റ്റന്‍ തെംബ ബാവുമയെ ആരും വാങ്ങിയില്ലായിരുന്നു. തന്നെ ആരും എടുക്കാത്തതിനുള്ള മറുപടിയുമായി രംഗത്തെത്തിയിരിക്കുകയാണ് അദ്ദേഹം.
32 വയസുകാരനായ അദ്ദേഹം വളരെ വിഷമിച്ചാണ് ഇതിന് മറുപടി നല്‍കിയത്. പുതിയ ലീഗില്‍ ഏതെങ്കിലും ഫ്രാഞ്ചൈസികള്‍ എടുക്കുമെന്ന് കരുതിയതായി അദ്ദേഹം പറയുന്നു.
തളര്‍ന്ന് പോയെന്നും ഒരുപാട് നിരാശനായെന്നും കുടുംബം പോലും വിഷമിച്ചെന്നും അദ്ദേഹം പറഞ്ഞു.
‘ലേലത്തില്‍ ആരും എടുക്കാതെ പോയപ്പോള്‍ എനിക്ക് നിരാശ തോന്നി. അത് എന്നെ ബാധിച്ചില്ലെന്ന് പറഞ്ഞാല്‍ കള്ളമാകും. ഒരു ഫ്രാഞ്ചൈസി ലഭിക്കുമെന്ന് ഞാന്‍ പ്രതീക്ഷിച്ചിരുന്നു. എന്റെ കുടുംബം പോലും അസന്തുഷ്ടരാണ്,” ലേലത്തിന് ശേഷം ബാവുമ പറഞ്ഞു.
