ബ്രോ ഡാഡി ഒന്നാമത്, ഭീഷ്മ രണ്ട്, റേറ്റിങ്ങില്‍ മുന്നിലെത്തി കെ.ജി.എഫും ആര്‍.ആര്‍.ആറും; ഓണം പ്രീമിയറുകളുടെ ടി.വി.ആര്‍

ഓണത്തിന് ടെവിവിഷനില്‍ സംപ്രേഷണം ചെയ്ത സിനിമകളുടെ റേറ്റിങ്ങുകള്‍ പുറത്ത്. വിവിധ മലയാളം ചാനലുകളില്‍ ഓണാവധിക്ക് സംപ്രേഷണം ചെയ്ത സിനിമകളുടെ ടി.വി.ആര്‍ കേരള ടി.വി എക്‌സ്‌പ്രെസ് എന്ന ഫേസ്ബുക്ക് പേജാണ് പുറത്ത് വിട്ടത്.

ഏഷ്യാനെറ്റില്‍ സംപ്രേഷണം ബ്രോ ഡാഡിക്കാണ് ഏറ്റവുമധികം റേറ്റിങ് ലഭിച്ചത്. 8.84 ആണ് ചിത്രത്തിന് ലഭിച്ചത്. 6.58 റേറ്റിങ്ങുമായി ഏഷ്യാനെറ്റില്‍ തന്നെ സംപ്രേഷണം ചെയ്ത ഭീഷ്മ പര്‍വ്വമാണ് രണ്ടാം സ്ഥാനത്ത്. സൂര്യ ടി.വിയില്‍ വന്ന കടുവക്ക് 6.40 ടി.വി.ആറാണ് ലഭിച്ചത്. സീ കേരളത്തില്‍ സംപ്രേഷണം ചെയ്ത് കെ.ജി.എഫ് ചാപ്റ്റര്‍ ടുവിന് 5.15 റേറ്റിങാണ് നേടിയത്.

ഓണത്തിന് മുമ്പ് തന്നെ തിയേറ്ററുകളില്‍ താരങ്ങളുടെ ചിത്രങ്ങള്‍ റിലീസ് ചെയ്യുമ്പോഴുണ്ടാകുന്നത് പോലെയുള്ള ഫാന്‍ ഫൈറ്റുകള്‍ ടി.വിയില്‍ സംപ്രേഷണം ചെയ്യുന്ന ചിത്രങ്ങളുടെ പേരിലും സോഷ്യല്‍ മീഡിയയില്‍ നടന്നിരുന്നു. പുതുതായി പുറത്ത് വിട്ട ടി.വി.ആര്‍ റേറ്റിങ്ങുകളും സിനിമകളും സോഷ്യല്‍ മീഡിയയില്‍ ചര്‍ച്ചയാവുകയാണ്.

ഓണം പ്രീമിയര്‍ ചലച്ചിത്രങ്ങള്‍ നേടിയ റേറ്റിങ്

ഏഷ്യാനെറ്റ്
ബ്രോഡാഡി -8.84
ഭീഷ്മപര്‍വ്വം -6.58
ആര്‍.ആര്‍.ആര്‍ -4.78
ഹൃദയം – 4.32
ലളിതം സുന്ദരം -2.54

മഴവില്‍ മനോരമ
ഒരുത്തീ – 2.70
മകള്‍ -2.38
പ്രിയന്‍ ഓട്ടത്തിലാണ് -1.78

സൂര്യ
കടുവ -6.40
ഇ.ടി -1.07
ജന ഗണ മന -2.69

സീ കേരളം
കെ.ജി.എഫ് ചാപ്റ്റര്‍ 2 -5.15

കൈരളി
ആര്യ- 1.06

Content Highlight: television rating of onam premier, Bro Daddy got the highest rating