'ശബരിമലയ്ക്ക് പോവേണ്ടവര്‍ അവധിയെടുക്കണം, യൂണിഫോമില്ലലാതെ കറുപ്പുടുത്ത് ഡ്യൂട്ടിക്ക് വരാനാവില്ല'; തെലങ്കാന പൊലീസ് ഉദ്യോഗസ്ഥരോട് പൊലീസ് കമ്മീഷണര്‍
ഡൂള്‍ന്യൂസ് ഡെസ്‌ക്
Thursday, 7th November 2019, 4:23 pm
ശബരിമല ദര്‍ശനത്തിന് വേണ്ടി വ്രതമെടുക്കുന്ന പൊലീസുകാര്‍ യൂണിഫോമിലല്ലാതെ കറുപ്പുടുത്ത് ഡ്യൂട്ടിയില്‍ വരുന്നത് അനുവദിക്കാനാവില്ലെന്ന് തെലങ്കാനയിലെ രചകൊണ്ട പൊലീസ് കമ്മീഷണറുടെ സര്‍ക്കുലര്‍. പൊലീസ് കമ്മീഷണര്‍ മഹേഷ് ഭഗവത് അയച്ച സര്‍ക്കുലര്‍ സംസ്ഥാനത്ത് ചര്‍ച്ചയായി.
നവംബര്‍ 1-നാണ് സര്‍ക്കുലര്‍ പുറത്തിറക്കിയത്. കറുപ്പ് വേഷമുടുത്ത് ഡ്യൂട്ടിക്ക് വരാന്‍ കഴിയില്ല. കറുപ്പുടുത്ത് ജോലി ചെയ്യാന്‍ അനുവദിക്കണമെന്ന് നിരവധി പൊലീസുകാര്‍ ആവശ്യപ്പെട്ടിരുന്നു. ഇതിനെ തുടര്‍ന്നാണ് സര്‍ക്കുലര്‍ പുറത്തിറക്കിയത്. പൊലീസ് യൂണിഫോം നിര്‍ബന്ധമാണെന്ന് അദ്ദേഹം പറഞ്ഞു.
