അര്‍ജുന്‍ റെഡ്ഡിയിലെ മാസ്സ് പ്രകടനത്തിലൂടെ പ്രേക്ഷകരുടെയിടയില്‍ തന്റെതായ ഇടം കണ്ടെത്തിയ നടനാണ് വിജയ് ദേവരകൊണ്ട. ഇപ്പോള്‍ അര്‍ജുന്‍ റെഡ്ഡി പരിവേഷത്തില്‍ നിന്ന് മാറി പുതിയ വേഷത്തിലെത്തിയിരിക്കുന്ന വിജയ്‌യെ പറ്റിയാണ് ഇപ്പോള്‍ സോഷ്യല്‍ മീഡിയ ചര്‍ച്ച ചെയ്യുന്നത്.
വിജയ്‌യുടെ ഏറ്റവും പുതിയ ചിത്രമായ ടാക്‌സിവാലയുടെ ടീസറാണ് ഇപ്പോള്‍ സമൂഹമാധ്യമങ്ങളില്‍ ചര്‍ച്ചാവിഷയം. ആദ്യ കുറച്ച് സിനിമകള്‍ കൊണ്ടുതന്നെ വന്‍ ആരാധകസംഘത്തെ സൃഷ്ടിക്കാന്‍ കഴിഞ്ഞ നടന്‍ കൂടിയാണ് വിജയ് ദേവരകൊണ്ട.
രാഹുല്‍ സംസ്‌കൃതായനാണ് വിജയ്‌യുടെ പുതിയ ചിത്രമായ ടാക്‌സിവാലയുടെ സംവിധായകന്‍. മാളവിക നായര്‍ പ്രിയങ്ക ജവാല്‍ക്കര്‍ തുടങ്ങി വന്‍ താരനിര തന്നെ ചിത്രത്തില്‍ അണിനിരക്കുന്നു.
ചിത്രത്തിന്റെ ടീസറിന് തന്നെ പ്രേക്ഷകര്‍ക്കിടയില്‍ വന്‍ സ്വീകാര്യതയാണ് ലഭിക്കുന്നത്. കഴിഞ്ഞ ചിത്രങ്ങളില്‍ നിന്നും വ്യത്യസ്തമായ പ്രകടനം കാഴ്ചവയ്ക്കുന്ന ഈ ചിത്രം വിജയ്‌യുടെ ആരാധകരുടെ എണ്ണം വീണ്ടും വര്‍ധിപ്പിക്കുമെന്നാണ് കരുതുന്നത്.
MUST READ: മായാനദി ഒഴുകുകയാണ്…പുല്ലാങ്കുഴലിലൂടെ; ആരാധകര്‍ എറ്റെടുത്ത സംഗീത ബാന്റിന്റെ വീഡിയോ വൈറലാകുന്നു
അദ്ദേഹത്തിന്റെ കരിയറില്‍ തന്നെ മികച്ച അഭിപ്രായങ്ങള്‍ ലഭിച്ച ചിത്രമായിരുന്നു അര്‍ജുന്‍ റെഡ്ഡി. കേരളത്തിലടക്കം ആരാധകരെ സൃഷ്ടിക്കാന്‍ ഈ ചിത്രത്തിലൂടെ അദ്ദേഹത്തിന് സാധിച്ചു.
515 കോടിയലധികം രൂപയാണ് അര്‍ജുന്‍ റെഡ്ഡി എന്ന തന്റെ ചിത്രത്തിലൂടെ താരം വാരിക്കൂട്ടിയത്. ഇതോടെ വിജയ് ദേവരകൊണ്ടയെ നെഞ്ചിലേറ്റിയ ആരാധകര്‍ ടാക്‌സിവാലയേയും സ്വീകരിക്കുമെന്നാണ് അണിയറപ്രവര്‍ത്തകരുടെ വിശ്വാസം.