സിഡ്‌നി: ഓസ്‌ട്രേലിയന്‍ പര്യടനത്തിനെത്തിയ ഇന്ത്യന്‍ ക്രിക്കറ്റ് ടീം പരിശീലനം ആരംഭിച്ചു. താരങ്ങള്‍ക്ക് നടത്തിയ കൊവിഡ് പരിശോധന നെഗറ്റീവായതോടെയാണ് ഇന്ത്യന്‍ ടീം പരിശീലനത്തിനിറങ്ങിയത്.
ദുബായില്‍ നിന്ന് ഐ.പി.എല്‍ കഴിഞ്ഞാണ് ടീം ഇന്ത്യ ഓസ്‌ട്രേലിയയില്‍ എത്തിയത്. പരിശോധനാഫലം നെഗറ്റീവായെങ്കിലും ടീം 14 ദിവസം ക്വാറന്റീനില്‍ തുടരും.
അതേസമയം ഔട്ട് ഡോര്‍ പരിശീലനത്തിന് ക്രിക്കറ്റ് ഓസ്‌ട്രേലിയ സജ്ജീകരണങ്ങളൊരുക്കിയിട്ടുണ്ട്. ഹര്‍ദിക് പാണ്ഡ്യ, പൃഥ്വി ഷാ, കുല്‍ദീപ് യാദവ്, ഹനുമ വിഹാരി, മുഹമ്മദ് സിറാജ് എന്നിവര്‍ ഔട്ട് ഡോര്‍ പരിശീലനം ആരംഭിച്ചതിന്റെ ചിത്രങ്ങള്‍ ബി.സി.സി.ഐ പുറത്തുവിട്ടു.
