ചെന്നൈ: തമിഴ്‌നാട്ടില്‍ വിവിധ വിദ്യാഭ്യാസ സ്ഥാപനത്തില്‍ നിന്നും ലൈംഗികാതിക്രമ പരാതികള്‍ ഉയരുന്നതിനിടെ വിദ്യാര്‍ത്ഥിനിയുടെ പരാതിയില്‍ ഒരു അധ്യാപകന്‍ കൂടി അറസ്റ്റില്‍. രാമനാഥപുരത്തെ സര്‍ക്കാര്‍ എയ്ഡഡ് സ്‌കൂളിലെ അധ്യാപകനെയാണ് പോക്‌സോ കേസില്‍ അറസ്റ്റു ചെയ്തത്.
വിദ്യാര്‍ത്ഥിനികളുടെ ഫോണ്‍ നമ്പര്‍ വാങ്ങി ലൈംഗിക ചുവയോടെ സംസാരിച്ചെന്നാണ് പരാതി. പഠനത്തിന്റെ ഭാഗമായി കൂടുതല്‍ കാര്യങ്ങള്‍ പറഞ്ഞുകൊടുക്കാനെന്ന വ്യാജേനയാണ് മൊബൈല്‍ നമ്പര്‍ വാങ്ങി പെണ്‍കുട്ടിയെ അധ്യാപകന്‍ വിളിച്ചതെന്നും പൊലീസ് പറഞ്ഞു.
പെണ്‍കുട്ടികളോട് അധ്യാപകന്‍ മോശമായി പെരുമാറിയെന്നും സ്‌പെഷ്യല്‍ ക്ലാസിനായി വീട്ടിലേക്ക് വരാന്‍ നിര്‍ബന്ധിച്ചുവെന്നും പരാതിയില്‍ പറയുന്നു.
വീട്ടിലേക്ക് വരണമെന്നും മുമ്പ് പലരും വന്നിട്ടുണ്ടെന്നും അധ്യാപകന്‍ പറയുന്നതായുള്ള അധ്യാപകന്റെ ശബ്ദരേഖയും പുറത്ത് വന്നിട്ടുണ്ട്.
