വാഷിങ്ടണ്‍: നവംബര്‍ ആറിന് നടക്കുന്ന അമേരിക്കന്‍ അര്‍ദ്ധവാര്‍ഷിക തെരെഞ്ഞെടുപ്പില്‍ പോപ്ഗായിക ടൈലര്‍ സ്വിഫ്റ്റ് ഡെമോക്രാറ്റിന് വേണ്ടി പ്രചരണത്തിനിറങ്ങും. ടെന്നെസിലാണ് ടൈലര്‍ ഇറങ്ങുക.
രാഷ്ട്രീയപ്രവേശനത്തെക്കുറിച്ച് ഇതുവരെ തുറന്നുപറഞ്ഞിട്ടില്ലാത്ത ടൈലര്‍ സ്വിഫ്റ്റ് ഇന്‍സ്റ്റാഗ്രാമിലാണ് വിവരം പുറത്തുവിട്ടത്. മാനുഷിക മൂല്യങ്ങള്‍ സംരക്ഷിക്കുന്ന സ്ഥാനാര്‍ത്ഥിക്ക് മാത്രമേ താന്‍ ഇന്ന് വരെ വോട്ട് ചെയ്തിട്ടുള്ളൂ. എല്‍.ജി.ബി.ടി.ക്യു അവകാശങ്ങള്‍ സംരക്ഷിക്കുന്നവരിലും സ്ത്രീപുരുഷ സമത്വത്തിന് വേണ്ടി പോരാടുന്നവരിലുമാണ് തനിക്ക് പ്രതീക്ഷയുള്ളൂ. ടൈലര്‍ ഇന്‍സ്റ്റഗ്രാമില്‍ കുറിച്ചു.
പതിനെട്ട് വയസ് കഴിഞ്ഞ എല്ലാവരും രാഷ്ട്രീയപാര്‍ട്ടികളെ പ്രവര്‍ത്തനത്തിന്റെ അടിസ്ഥാനത്തില്‍ വിലയിരുത്തണം. എന്നിട്ട് മാത്രമേ വോട്ട് നല്‍കാവൂ എന്നും ടൈലര്‍ പറയുന്നു.
സംഗീതജ്ഞ എന്നതിനു പുറമേ ഹോളിവുഡിലെ താരറാണി കൂടിയാണ് ടൈലര്‍. വാലന്റൈന്‍സ് ഡേ എന്ന ചിത്രത്തിലെ അഭിനയത്തിന് ടീന്‍ ചോയിസ് പുരസ്‌കാരം സ്വിഫ്റ്റ് നേടിയിട്ടുണ്ട്.