മുംബൈ: ടോക്കിയോ ഒളിംപിക്സില് മെഡല്‍ നഷ്ടമായവര്‍ക്ക് സമ്മാനം പ്രഖ്യാപിച്ച് ടാറ്റാ മോട്ടോഴ്സ്. വെങ്കല മെഡലിന് തൊട്ടരികെയെത്തിയിട്ടും നാലാം സ്ഥാനം കൊണ്ട് മടങ്ങേണ്ടി വന്നവര്‍ക്കാണ് ടാറ്റാ മോട്ടോഴ്സ് സമ്മാനം പ്രഖ്യാപിച്ചത്.
ടാറ്റയുടെ ആള്‍ട്രോസ് ആണ് സമ്മാനമായി നല്‍കുന്നത്. ഗോള്‍ഫ് താരം അദിതി അശോക്, ഇന്ത്യന്‍ വനിതാ ഹോക്കി ടീം എന്നിവരാണ് ടോക്കിയോ ഒളിംപിക്സില് നാലാം സ്ഥാനത്തെത്തിയത്.
ഇവരെയെല്ലാം ആദരിക്കുമെങ്കിലും ആര്‍ക്കൊക്കെയാണ് കാര്‍ സമ്മാനമായി നല്‍കുക എന്ന് വ്യക്തമല്ല.
മെഡല്‍ നേടുക എന്നതിലുപരി രാജ്യത്തെ പ്രതിനിധീകരിച്ച് ഒളിംപിക്സ് പോലുള്ള മത്സരങ്ങളില്‍ പങ്കെടുത്തവരുടെ പ്രയത്നങ്ങള്‍ ചെറുതല്ല. മെഡല്‍ കൈവരിച്ചില്ലെങ്കിലും രാജ്യത്തെ നൂറു കോടി ജനങ്ങളുടെ ഹൃദത്തില്‍ ഇടം പിടിക്കാന്‍ ഈ കായിക താരങ്ങള്‍ക്ക് സാധിച്ചുവെന്ന് ടാറ്റാ മോട്ടോഴ്സ് പാസഞ്ചര്‍ വെഹിക്കില്‍ ബിസിനസ് പ്രസിഡന്റ് ശൈലേഷ് ചന്ദ്ര പറഞ്ഞു.
As a gesture of gratitude, Tata Motors is happy to deliver ALTROZ – #TheGoldStandard to all the Indian athletes who narrowly missed the bronze at #TokyoOlympics. They may not have claimed a medal, but won millions of hearts and inspired billions to set #TheGoldStandard. pic.twitter.com/SlZazXG6HK
— Tata Motors Cars (@TataMotors_Cars) August 13, 2021
