ടൈം ട്രാവലര്‍ ചിത്രവുമായി അനുരാഗ് കശ്യപും തപ്‌സിയും; കിളി പറത്തുന്ന അനൗണ്‍സ്‌മെന്റ് ടീസര്‍
എന്റര്‍ടെയിന്‍മെന്റ് ഡെസ്‌ക്
Friday, 12th February 2021, 6:12 pm
ബോളിവുഡ് നടി തപ്‌സി പന്നുവും സംവിധായകന്‍ അനുരാഗ് കശ്യപും വീണ്ടുമൊന്നിക്കുന്നു. അനുരാഗ് കശ്യപ് സംവിധാനം ചെയ്യുന്ന ദൊ ബാര 2:12 എന്ന ചിത്രത്തില്‍ കേന്ദ്ര കഥാപാത്രമായാണ് തപ്‌സി എത്തുന്നത്.
ഇപ്പോള്‍ പുറത്തുവിട്ടിരിക്കുന്ന ചിത്രത്തിന്റെ അനൗണ്‍സ്‌മെന്റ് ടീസര്‍ കണ്ട് അമ്പരന്നിരിക്കുകയാണ് ആരാധകര്‍. പേരിലും ടീസറിലുമുള്ള ചില സൂചനകളില്‍ നിന്നും ടൈം ട്രാവല്‍ ചിത്രമായിരിക്കാം ദൊ ബാര എന്നാണ് ആദ്യ പ്രതികരണങ്ങള്‍.
റൂമിലേക്കെത്തുന്ന തപ്‌സി പന്നു അലക്‌സയോട് സിനിമ വെക്കാന്‍ ആവശ്യപ്പെടുന്നതും ടിവിയില്‍ അനുരാഗ് കശ്യപ് പ്രത്യക്ഷപ്പെട്ട് സിനിമ ചെയ്യാമെന്ന് പറയുകയുമെല്ലാം ചെയ്യുന്നതായാണ് ടീസറില്‍ കാണുന്നത്.
