രാജസ്ഥാനില്‍ ഗ്യാസ് ടാങ്കര്‍ പൊട്ടിത്തെറിച്ച് 10 പേര്‍ വെന്തുമരിച്ചു

[]ജയ്പൂര്‍: രാജസ്ഥാനില്‍ ഗ്യാസ് ടാങ്കര്‍ പൊട്ടിത്തെറിച്ച് 10 പേര്‍ മരിച്ചു. പന്ത്രണ്ട് പേര്‍ക്ക് സാരമായ പൊള്ളലേറ്റുരിക്കേറ്റു. ശനിയാഴ്ച്ച രാത്രി ജയ്പൂരിലെ ബീലാപൂര്‍ വില്ലേജിനടുത്തുള്ള ദേശീയ പാതയിലാണ് അപകടം.

അപകടം സംഭവിച്ച ടാങ്കറിനൊപ്പം റോഡിലുണ്ടായിരുന്ന ഏഴ് വാഹനങ്ങള്‍ക്കും തീപ്പിടിച്ചു. അപകടം നടന്നതോടെ ദേശീയ പാതയില്‍ വലിയ ഗതാഗതകുരുക്കാണ് രൂപപ്പെട്ടത്. മരിച്ചവരില്‍ മൂന്നുപേരെ തിരിച്ചറിഞ്ഞിട്ടുണ്ട്. ഇന്ന് രാവിലെയാണ് ഗതാഗതം പഴയപടിയാക്കാനായത്.

ദാക്ഷുല്‍(6), രാധാ മോഹന്‍(40), വിനോദ്(37) എന്നിവരെയാണ് തിരിച്ചറിഞ്ഞതെന്ന് ജയ്പൂര്‍ റൂറല്‍ എസ്പി നിതിന്‍ ദീപ് പറഞ്ഞു. അതേസമയം ടാങ്കറിന് തീ പിടിച്ചതിന്റെ കാരണം ഇതുവരെ വ്യക്തമായിട്ടില്ല.